Gujarati News

Gujarati News

News of Thursday, 15th February 2018

કોંગી ઉમેદવાર જો ચૂંટાઈ જાય તો કોર્પોરેશનમાંથી મળતુ વેતન નહિં લ્‍યે : સેવા અર્થે આપી દેશે

પાટીદાર અને ઓબીસી સમાજ ભાજપથી નારાજ છે : વશરામ સાગઠીયા

રાજકોટ : વોર્ડ-૪ની પેટાચુંટણીમાં જ્ઞાતિ-જાતી અને સમાજને સામસામે મૂકી દેવાની ભાજપની મોટી રાજરમત શરુ કરી છે પરંતુ મતદારો ભાજપની ગંદી ચાલને ઓળખી ગઈ છે. એક મોટા સમૂહના સમાજ સામે પાટીદારોને ભીડવી દેવાનો હિન્ન પ્રયાસ કર્યો છે ત્‍યારે મતદારોએ હવે ભાજપની રમતને ઓળખી લેવી પડશે. તેમ કોંગ્રેસના કાર્યકારી પ્રમુખ મહેશભાઈ રજપૂત, વિપક્ષી નેતા વશરામ સાગઠીયા અને મિતુલ દોંગાએ એક નિવેદનમાં જણાવ્‍યું છે.

ભાજપે હાર-જીતના ગણિતમાં વોર્ડને મોટું નુકશાન કર્યું હોય તેવું જણાય રહ્યું છે. હાર-જીતની રાજરમતમાં ભાજપ પાટીદાર સમાજને ટીકીટ ફાળવી છે. પરંતુ વોર્ડમાં વસતા લોકોનો વિચાર કર્યો નથી. વિકાસનો વિચાર કર્યો નથી. અને વોર્ડને મોટું નુકશાન પહોચાડ્‍યું નથી માટે પાટીદાર સમાજ અને ઓ.બી.સી. સમાજ ભાજપથી નારાજ છે. ભાજપની મેલી મુરાદ લોકોને હવે ખબર પડી ગઈ છે ત્‍યારે વોર્ડ - ૪માં કોંગ્રેસની જીત નિશ્ચિત છે ગઢ અકબંધ  રહેશે.કોંગ્રેસના યુવા ઉમેદવાર કૈલાશ નકુમએ  મતદાન પહેલા જ જાહેરાત કરી ચુક્‍યા છે કે, કોર્પોરેશન તરફ થી મળતું માનદવેતન લઈશ નહિ અને જે વેતન ને ક્રાંતિ માનવ ચેરીટેબલ ટ્રસ્‍ટના સ્‍મશાનમાં સેવાના અર્થે આપી દઈશ અને લોકોની વચ્‍ચે જ  રહીશ. મારો મોબાઈલ ૨૪કલાક ચાલુ જ રાખીશ. માનવીય અભિગમ ક્‍યારેય ભૂલીશ નહિ.

 

 

(4:10 pm IST)
  • સ્વચ્છ ભારત મિશન ઉપર કલંક લગાવતા ભાજપના પ્રધાન : ''સ્વચ્છ ભારત'' મિશન ઉપર કલંક લગાવતા રાજસ્થાનના હેલ્થ મિનિસ્ટર કાલીચરણ સરાફ : રોડ ઉપર ખુલ્લામાં લઘુશંકા કરી : કોંગ્રેસે માફી માંગવાનું કહેતા ના પાડી દીધીઃ માથે જાતા એમ કહ્યુ કે પોલીસ ૨૦૦ રૂપિયા દંડ લઈ લ્યે બીજુ શું? આ કયાં કોઈ મોટો મુદ્દો છે? access_time 4:59 pm IST

  • દુનિયામાં માત્ર ૫ ટકા મહિલાઓ ગણિત અને નેચરલ સાઈન્સ ક્ષેત્રમાં કામ કરે છેઃ એન્જીનીયરીંગમાં ૮ ટકા અને સ્વાસ્થ્યના ક્ષેત્રમાં ૧૫ ટકા મહિલાઓ access_time 4:11 pm IST

  • આજે વર્ષનું પહેલુ સૂર્યગ્રહણ : ભારતમાં નહિં દેખાય : રાત્રે ૧૨:૨૫ થી શરૂ થશે સૂર્યગ્રહણ access_time 3:40 pm IST