Gujarati News

Gujarati News

News of Friday, 13th September 2019

આ રાજકોટ છે...લપસણા અને ઢીંઢા ભાંગી નાંખે તેવા રસ્તાઓ પર આપનું સ્વાગત છે!...શાસ્ત્રી મેદાન બસ સ્ટેશન સામે એકાદ કલાકમાં પચાસેક વાહનો સ્લીપ થયા

સદ્દનસિબે કોઇને ગંભીર ઇજા ન થઇઃ એક જાગૃત નાગરિકે પથ્થરોની આડશ મુકી વાહન ચાલકોને સાઇડમાંથી જવા ચેતવ્યાઃ ભારે વરસાદ પછી ઠેકઠેકાણે આવી હાલતઃ સંબંધીત તંત્રવાહકો કયારે જાગશે?

રાજકોટઃ શહેરમાં ભારે વરસાદ પછી ઠેકઠેકાણે રસ્તાઓની પથારી ફરી ગઇ છે.  ખાડાખબડાથી ભરપુર રસ્તાઓ પર વાહન વ્યવહાર માટે ભારે મુશ્કલી પડી રહી છે. તેમાં પણ ટુવ્હીલર ચાલકોની હાલત વધુ કફોડી છે. અનેક વિસ્તારોમાં સતત વરસાદને કારણે કાચા-પાકા રસ્તાની હાલત ખરાબ થઇ ગઇ છે. અમુક વિસ્તારોમાં ગંદા ગોબરા પાણીના તળાવડા પણ ભરાયા છે. બે દિવસ પહેલા ગ્રીનલેન્ડ ચોકડીએ મુખ્ય રસ્તા પર પડેલા મસમોટા ખાડાઓમાં બે વ્યકિતએ પોતે સુઇ જઇ નિંભર તંત્ર સામે રોષ વ્યકત કર્યો હતો. અમુક જગ્યાએ તૂટેલા ફાટેલા રસ્તા રિપેર કરવા પોલીસને મેદાને ઉતરવું પડ્યું હતું. રાજકોટીયનો ટુવ્હીલર લઇને નીકળે ત્યારે લપસણા અને ઢીંઢા ભાંગી નાંખે તેવા રસ્તાઓ પર તેમનું સ્વાગત થઇ રહ્યું છે!...શહેરના શાસ્ત્રી મેદાનમાં કે જ્યાં કામચલાઉ બસ સ્ટેશન ઉભુ કરવામાં આવ્યું છે એ રોડ પર એટલે કે લીમડા ચોકથી માલવીયા ચોક તરફ જતાં રોડ પર બસ સ્ટેશનના ગેઇટની સામેના ભાગનો રસ્તો ચીકણી માટીને કારણે કે અન્ય કારણોસર લપસણો થઇ જતાં આજે સવારે ધડાધડ ટુવ્હીલર ચાલકો સ્લીપ થયા હતાં. કેટલાકને નાની મોટી મુંઢ ઇજાઓ થઇ હતી. રસ્તો લપસણો થઇ ગયાથી અજાણ ટુવ્હીલર ચાલકો અચાનક આ સ્થળે પહોંચતા જ સ્લીપ થઇ ફંગોળાઇ જતાં હતાં. અડધા કલાકમાં લગભગ પચાસથી વધુ વાહન ચાલકો આ રીતે સ્લીપ થયા હતાં. એ પછી એક જાગૃત નાગરિકે લપસણા રસ્તાની આસપાસ પથ્થરો-ઇંટોની આડશ મુકી બીજા વાહન ચાલકો સ્લીપ ન થાય એ માટે તેઓને સાઇડમાંથી વાહન હંકારવા ચેતવ્યા હતાં. આ તો થઇ લપસણા રસ્તાની વાત, અન્ય વિસ્તારોમાં એવા અનેક માર્ગ છે જ્યાં ડામર કે મેટલ રોડના નામે ઉબડ ખાબડ સપાટી જોવા મળી રહી છે. ઠેકઠેકાણે ભંગાર રસ્તાઓની સમસ્યા મોઢુ ફાડીને ઉભી થઇ છે. મેઘરાજાએ હવે વિરામ લીધો છે ત્યારે સંબંધીત સત્તાધીશો હવે રસ્તા રિપેર કરવા મેદાને આવે તે જરૂરી છે. તસ્વીરમાં શાસ્ત્રી મેદાન બસ સ્ટેશન સામેનો લપસણો રસ્તો અને વાહન ચાલકો સ્લીપ થયા તે દ્રશ્યો જોઇ શકાય છે. (ફોટોઃ સંદિપ બગથરીયા)

(1:14 pm IST)
  • ભારતીય સેનામાં પહેલીવાર સિપાહીના પદ માટે મહિલાઓની ભરતી :મોટી સંખ્યામાં યુવતીઓ ઉમટી પડી : ઉત્તર પ્રદેશ અને ઉત્તરાખંડમાં 4458 ઉમેદવારોએ પરીક્ષા આપી : સીમા સુરક્ષા દળ માફક ભારતીય સેનાએ મહિલાઓ માટે ભરતી કરવા નિર્ણંય : ભારે પ્રતિસાદ મળ્યો access_time 12:59 am IST

  • ઇમરાન ખાન ભારે ભયભીતઃ પાકિસ્તાન કબ્જાગ્રસ્ત કાશ્મીર ઉપર ભારત તૂટી પડશેઃ કાગારોળ મચાવીઃ પાકિસ્તાને ચીનને કાશ્મીરનો ભાગ આપ્યો ? access_time 11:26 am IST

  • પાકિસ્તાન SCO બેઠકનો બહિષ્કાર કર્યો પણ અધિકારીઓ ખાવા પહોંચી ગયા !: દિલ્હીમાં આયોજીત બે દિવસીય શંઘાઇ સહયોગ સંગઠનના મિલિટ્રી મેડિસિન સમ્મેલનનો પ્રથમ દિવસે અધિકારીઓ હાજર નહોતા રહ્યા પરંતુ ખાવા પહોંચી ગયા access_time 1:10 am IST