Gujarati News

Gujarati News

News of Wednesday, 12th September 2018

સાંજથી નર્મદાના નીર મળવાનું ફરી શરૂ થશે...

આજે ૮ વોર્ડના લાખો લોકો તરસ્યા રહ્યા

એન.સી ૩૨,૩૩,૩૪ લાઇનની જીડબલ્યુઆઇ મારફત કામગીરી હાથ ધરાતા કાલ સવારથી પાણી બંધ રહ્યુઃ આજે વોર્ડ નં.૨,૩,૮,૯,૧૦,૧૧,૧૨,૧૩નાં લાખો લોકો તરસ્યા રહ્યાઃ કાલે ૩૫ એમ.એલ.ડીની ઘટની શકયતા

રાજકોટ તા.૧૨: રાજકોટ મહાનગરના આજી-૧ડેમમાં ધીમી ગતિએ નર્મદાનીર ઠલવાઇ રહયા છે ત્યારે મેઇનટેનન્સના કામથી અગાઉ કરાયેલી જાહેરાત મુજબ સવારે ગઇકાલે એકાએક શહેરને રાબેતા મુજબ મળતા નર્મદાનીર પણ બંધ થઇ ગયા હતા. કોર્પોરેશનના વોટર વર્કસ સુત્રોના જણાવ્યા મુજબ આજ સાંજથી રાજકોટને નર્મદા નીર મળવાના શરૂ થશે. કાલે સામાકાંઠે અને સેન્ટ્રલ ઝોનમાં પાણીના ધાંધીયા થવાની ભીતી સર્જાઇ છે.આજે ન્યુ રાજકોટના વોર્ડ નં. ૨,૩,૮,૯,૧૦,૧૧,૧૩ ના વિસ્તારમાં પાણ વિતરણ ન થઇ શકતાં લોકોમાં દેકારો બોલી ગયો હતો.

આ અંગે સત્તાવાર પ્રાપ્ત માહિતી મુજબ નર્મદા યોજના હેઠળની એન.સી. ૩૨, ૩૩, ૩૪ પાઇપલાઇનના પમ્પીંગ સ્ટેશનોમાં મેઇન્ટેન્શની કામગીરી પાણી - પુરવઠા બોર્ડ દ્વારા હાથ ધરવામાં આવી છે. જેના કારણે કાલ સવારથી રાજકોટને નર્મદા નીર આપવાનું બંધ કરાયું છે.

આમ, રાજકોટ કોર્પોરેશનના રૈયાધાર, બેડી અને કોઠારીયા હેડવર્કસમાં દરરોજ ૨૦૯ એમ.એલ.ડી. નર્મદા નીર મળતુ હતું તે અચાનક બંધ થતાં વોટરવર્કસ વિભાગને આજી, ન્યારી અને ભાદર જળાશયમાંથી પાણી ઉપાડી શહેરનું પાણી વિતરણ જાળવવું પડયું હતું.

જો કે, ચંદ્રેશનગર પાણીના ટાંકા હેઠળના વોર્ડ નં. ૧૧ અને ૧૩ના અનેક વિસ્તારોમાં કાલે નર્મદા નીર બંધ હોવાને કારણે ઓચિંતો પાણીકાપ આપી પાણી વિતરણ બંધ રખાયું હતું. કેમકે આ વિસ્તારોમાં ૯ એમ.એલ.ડી. જેટલું પાણી જોઇએ છે જે બચાવી અન્ય વિસ્તારમાં વિતરણ કરવામાં આવેલ.

દરમિયાન વોટર વર્કસના ઇજનેરી સૂત્રોએ એવી પણ દહેશત વર્તાવી છે કે. આથી આ સંજોગોમાં આવતીકાલે ઇસ્ટઝોન-સેન્ટ્રલ ઝોનના આજ સાંજના રાજકોટને નર્મદાનીર મળવાના શરૂ થશે. અનેક વોર્ડમાં પાણીના ધાંધિયા સર્જાવાની ભીતી છે.

(3:29 pm IST)
  • પોલીસના જાપ્તામાંથી 3 આરોપી ફરાર :વાપીની ડુંગરા પોલીસના જાપ્તામાંથી આરોપીઓ નાશી ગયા : આરોપીઓને કોર્ટમાં લઈ જતા કોર્ટ પરિસરમાં જ જીપમાંથી કૂદીને થયા ફરાર: ચોરીના ગુનામાં પોલીસના હાથે ઝડપાયા હતા:ફરાર આરોપીઓને શોધવા જિલ્લાભરની પોલીસ દોડતી access_time 11:27 pm IST

  • જૂનાગઢની GMERS મેડિકલ કોલેજના વિદ્યાર્થીઓ મોડી રાત્રે હડતાળ પર ઉતર્યા :વોશરૂમ, લાઈબ્રેરી અને એન્ટ્રી દરવાજાના પ્રશ્નોની વારંવાર રજૂઆત છતાં ઉકેલ ન આવતાં તમામ વિદ્યાર્થીઓ રાત્રિના સમયે હોસ્ટેલમાંથી બહાર નીકળી ગયા: તાજેતરમાં જ વડાપ્રધાન નરેન્દ્ર ભાઈ મોદી દ્વારા આ મેડિકલ કોલેજનું ઉદ્ધાટન કરાયું હતું access_time 1:07 am IST

  • રાહુલે ૫ હજાર કરોડનું કર્યુ કૌભાંડ : બીજેપીના કોંગ્રેસ અધ્યક્ષ પર આકરા પ્રહારો : રાહુલ ગાંધી ગમે ત્યારે ટ્વીટ કરે છે, તેણે કાળા નાણાનો ઉપયોગ કર્યો છે : ૫ હજાર કરોડનું કૌભાંડ પણ તેણે કર્યુ છે : શેલ કંપની પાસેથી રાહુલે લીધી છે લોન : માલ્યાની મદદ ગાંધી પરિવારે કરી છે : રાહુલનું હવાલાથી કનેકશન છે : બીજેપીના જબરા પ્રહારો access_time 4:05 pm IST