Gujarati News

Gujarati News

News of Thursday, 13th June 2019

ગોંડલ રોડ ચોકડીએ વેનમાં આગ ભભૂકીઃ ચાલક સમયસર નીચે ઉતરી જતાં બચાવ

માલધારી ફાટક પાસે રહેતાં જીતેશભાઇ સોલંકી શાપર જવા નીકળ્યા ત્યારે બનાવઃ દોઢ લાખનું નુકસાન થયાનું ફાયર બ્રિગેડ સુત્રોનું કથન

રાજકોટઃ ગોંડલ રોડ પર માલધારી ફાટક પાસે સવારે રોડ પર જીજે૩બીએ-૯૩૭૫ નંબરની મારૂતિવેન કારમાં આગ ભભૂકતાં લોકોના ટોળા ભેગા થઇ ગયા હતાં. ફાયર બ્રિગેડને જાણ થતાં મુબારકભાઇ, વિનોદભાઇ, જયેશભાઇ ડાભી, બિરેનકુમાર સહિતે પહોંચી પાણીનો મારો ચલાવી આગ બુઝાવી હતી. કારના માલિક માલધારી ફાટક પાસે રહેતાં જીતેશભાઇ કરસનભાઇ સોલંકીના કહેવા મુજબ પોતે સવારે શાપર જવા નીકળ્યા ત્યારે અચાનક કારમાંથી ધૂમાડાના ગોટેગોટા નીકળવા માંડતા પોતે કાર ઉભી રાખી નીચે ઉતરી ગયા હતાં. જોતજોતામાં કાર ભડકે બળી હતી. શોર્ટ સરકિટથી આગ લાગ્યાની શકયતા છે. ફાયર બ્રિગેડ સુત્રોના કહેવા મુજબ આગથી દોઢ લાખનું નુકસાન થયું છે. સળગતી કાર અને આગ બુઝાવવાની કાર્યવાહી જોઇ શકાય છે.

(4:02 pm IST)
  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • વાયુ વાવાઝોડું સૌરાષ્ટ્રના કાંઠે સિધુ ત્રાટકશે નહિ, અને પશ્ચિમ દિશામાં ફંટાય રહ્યું છે અનેઓમાન તરફ આગળ વધે છે, સોમનાથ થી 125 કીમી દૂરથી ફંટાય રહ્યું છે... ભારે પવન અને વરસાદ ચાલુ રહેશે access_time 8:41 am IST

  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST