Gujarati News

Gujarati News

News of Thursday, 13th June 2019

રાજકોટમાં સવારે ઝાપટુ બાદ વાદળછાયુ વાતાવરણ

સતત બીજા દિવસે આકાશમાં છવાયેલા વાદળો : ગરમીમાં ઘટાડાથી શહેરીજનોને રાહત મળી : બપોરે ૨૯.૨ ડિગ્રી : એક જ દિવસમાં તાપમાનમાં ૧૦થી ૧૧ ડિગ્રીનો ઘટાડો

રાજકોટ, તા. ૧૩ : 'વાયુ' વાવાઝોડુ ઓમાન તરફ જઈ રહ્યુ છે. પરંતુ ખતરો હજુ ટળ્યો નથી. સૌરાષ્ટ્રના દરિયાકાંઠાના અમુક વિસ્તારમાં ભારે વરસાદની આગાહી હવામાન વિભાગ દ્વારા કરવામાં આવી છે. વાવાઝોડાની અસરના પગલે સૌરાષ્ટ્રના અનેક શહેરોમાં વાતાવરણમાં પલ્ટો આવ્યો છે અને હળવો વરસાદ પડી રહ્યાના વાવડ મળી રહ્યા છે.

રાજકોટ શહેરમાં આજે સવારથી વાતાવરણમાં પલ્ટો આવ્યો છે. આમ તો ગઈકાલે બપોરથી જ આકાશમાં વાદળો છવાયા હતા. સાંજના સમયે પવનનું જોર જોવા મળ્યુ હતું. દરમિયાન આજે સવારે આકાશમાં જબ્બર વાદળો છવાઈ ગયા હતા. સવારે સાતેક વાગ્યાની આસપાસ છાંટા પડવાની શરૂઆત થઈ ગઈ હતી. થોડીવારમાં ધીમીધારે શરૂ થઈ ગયો હતો. હળવા વરસાદના પગલે માર્ગો ભીંજાઈ ગયા હતા. અમુક લોકો વરસાદની મજા માણવા નીકળી ગયા હતા.દરમિયાન આ લખાય છે ત્યારે બપોરે ૩ વાગ્યે રાજકોટ શહેરમાં ૨૯.૨ ડિગ્રી તાપમાન છે. ૧૬ કિ.મી.ની ઝડપે પવન ફૂંકાઈ રહ્યા છે. વરસાદી માહોલના પગલે વાતાવરણમાં ઠંડક પ્રસરી ગઈ છે. આકાશમાં વાદળો છવાયેલા છે.

(3:56 pm IST)
  • સૌરાષ્ટ્રના ૬૦ તાલુકામાં વરસાદઃ ૪૮ કલાકમાં ૧૦ ઇંચ સુધીનો ભારે વરસાદ પડવા તાકીદ : ૧૩૫ થી ૧૪૦ કી.મી. ઝડપે પવન ફુંકાશેઃ લોકો ગભરાય નહિઃ સુરક્ષીત સ્થળે જ રહેવા અપીલઃ ૨૩૭૯ ગામડાઓને અસરઃ તંત્ર ખડેપગે access_time 11:37 am IST

  • ભારતે ચીનના 10 દરિયાઇ જહાજોને શરણ આપી છે, ચીની જહાજ ચક્રવાત વાયુમાં ફસાઇ ગયા હતા, આ જહાજને મહારાષ્ટ્રના રત્નાગીરી બંદર પર શરણ આપવામાં આવી છે. ભારતના તટરક્ષક મહાનિરિક્ષક કે આર સુરેશે જણાવ્યું કે ભારતીય તટરક્ષક દળે ચીનના 10 જહાજોને સુરક્ષાઘેરામાં રહેવાની અનુમતી આપી દીધી છે. access_time 12:45 am IST

  • સુરતનો સુવાલી દરિયો બન્યો તોફાનીઃ દરિયા કિનારા આસપાસના ગામોને એલર્ટ કરાયાઃ ૧૫ ફુટથી વધુ ઊંચા મોજા ઉછળ્યાઃ સુવાલી દરિયાનું જોવા મળ્યું રોંદ્ર સ્વરૂપ access_time 12:52 pm IST