Gujarati News

Gujarati News

News of Thursday, 13th June 2019

પીપળીયા ગામ પાસે કારમાંથી કિશન અને સંજય દારૂની ૧ર બોટલ સાથે પકડાયા

રાજકોટ તા. ૧૩: કુવાડવા નજીક પીપળીયા ગામ પાસે કુવાડવા પોલીસે કારમાંથી દારૂની ૧ર બોટલ સાથે બે શખ્સોને ઝડપી લીધા છે.

મળતી વિગત મુજબ કુવાડવા રોડ પોલીસ મથકના પી.એસ.આઇ. એમ. કે. ઝાલા તથા કોન્સ. દેવેન્દ્રસિંહ જાડેજા સહિત પેટ્રોલીંગમાં હતા ત્યારે બાતમીના આધારે પીપળીયા ગામ પાસે જી.જે. ૩સીઇ-૬૬૬૭ નંબરની ફોર્ડ કારને રોકી તલાશી લેતા તેમાંથી રૂ. ૪૮૦૦ની કિંમતની દારૂની ૧ર બોટલ મળી આવતા કારમાં બેઠેલા કિશન અશોકભાઇ સીપરીયા (ઉ.વ. ર૧) (રહે. મોરબી રોડ, વેલનાથપરા શેરી નં. ૧૩ મૂળ હડમતીયા) અને માધાપરના સંજય કાળુ જાતેલીયા (ઉ.વ. ૩૦) ને પકડી લઇ કાર્યવાહી કરી હતી.

દારૂની છ બોટલ સાથે અક્ષય મુછડીયા પકડાયો

યુનિવર્સિટી પોલીસ મથકના હેડ કોન્સ. એચ. જે. જાડેજા તથા હરપાલસિંહ જાડેજા સહિતે બાતમીના આધારે યુનિવર્સિટી રોડ ભગતસિંહ ગાર્ડન ગુજરાત હાઉસીંગ બોર્ડના કવાર્ટર પાસેથી જી.જે.૩ઇકે ૭૦૦૪ નંબરના એકસેસમાંથી દારૂની છ બોટલ સાથે અક્ષય કેશુભાઇ મુછડીયા (ઉ.વ.રર) (રહે. રૈયાધાર સ્લમ કવાર્ટર સામે) ને પકડી લીધો હતો.

વરલીના આંકડા લેતો કિશોર પકડાયો

થોરાળા પોલીસ મથકના એએસઆઇ બી. જે. જાડેજા તથા વિજયભાઇ મેતા સહિત પેટ્રોલીંગમાં હતા ત્યારે બાતમીના આધારે ચુનારાવાડ ચોક પાસે દરોડો પાડી વરલી ફીચરનો જુગાર રમાડતો કિશોર દામજીભાઇ બગડાઇ (ઉ.વ. ૬૦) (રહે. હુડકો ચોકડી પાસે સીતારામનગર શેરી નં. ૮) ને પકડી લઇ રૂ. ૧,૦પ૦ની રોકડ સહિતની મતા કબજે કરી કાર્યવાહી કરી હતી.

(3:45 pm IST)
  • ૧૫મી સુધી વરસાદી માહોલ જળવાઈ રહેશે : તોફાની પવન ફૂંકાશે : હવામાન વિભાગના ડાયરેકટર શ્રી જયંત સરકારે જણાવ્યું કે વેરાવળથી દક્ષિણ પશ્ચિમે ૧૧૦ કિ.મી. અને પોરબંદર દક્ષિણે ૧૫૦ કિ.મી. દૂર છે. વાવાઝોડુ લેન્ડ નહિં થાય પણ જોરદાર પવન સાથે ભારે વરસાદ પડશે. આજથી ત્રણ દિવસ વરસાદી માહોલ રહેશે. access_time 3:34 pm IST

  • કેબીનેટ મંત્રી જયેશભાઈ રાદડીયાએ પોરબંદરના દરિયા ચોપાટીની મુલાકાત લઈ અને સ્થળની શું પરિસ્થિતિ છે તેનું નિરીક્ષણ કર્યુ હતું. તેમણે જણાવેલ કે વહીવટી તંત્રના તમામ અધિકારીઓ એલર્ટ છે અને દરિયા નજીકના વિસ્તારમાં ન જવા અપીલ કરી હતી. access_time 12:53 pm IST

  • સૌરાષ્ટ્રના ૬૦ તાલુકામાં વરસાદઃ ૪૮ કલાકમાં ૧૦ ઇંચ સુધીનો ભારે વરસાદ પડવા તાકીદ : ૧૩૫ થી ૧૪૦ કી.મી. ઝડપે પવન ફુંકાશેઃ લોકો ગભરાય નહિઃ સુરક્ષીત સ્થળે જ રહેવા અપીલઃ ૨૩૭૯ ગામડાઓને અસરઃ તંત્ર ખડેપગે access_time 11:37 am IST