Gujarati News

Gujarati News

News of Tuesday, 13th March 2018

આંબેડકરનગરની ઉષાબેન ચૌહાણને ફોન પર ગાળો દઇ ખૂનની ધમકી

અગાઉ તેણીના ઘરમાં ભાડેથી રહેતાં જેતપુરના અમિત, નિતા અને ચુડાના મોરવાડ ગામે રહેતાં નિતાના ભાઇ ઘનશ્યામ ઉર્ફ મહેશ વિરૂધ્ધ ગુનો નોંધાયો

રાજકોટ તા. ૧૩: આજી વસાહત આંબેડકરનગર-૨માં રહેતી ઉષાબેન જેઠાભાઇ ચૌહાણ (ઉ.૨૫) નામની દલિત યુવતિને જેતપુર રહેતાં અમિત કેશુભાઇ પરમાર, નિતાબેન અમિત પરમાર અને ચુડાના નવી મોરવાડના ઘનશ્યામ ઉર્ફ મહેશ રમેશભાઇ પરમારે ફોન કરી ગાળો દઇ મારી નાંખવાની ધમકી આપતાં ફરિયાદ થઇ છે.

બનાવ અંગે થોરાળાના એએસઆઇ જે. કે. જાડેજા અને આનંદભાઇએ ઉષાબેનની ફરિયાદ પરથી ત્રણેય સામે ગુનો નોંધ્યો છે. પોલીસના કહેવા મુજબ અગાઉ ઉષાબેનના મકાનમાં અમિત અને નિતા ભાડેથી રહેતા હતાં. ઘનશ્યામ એ નીતાનો ભાઇ છે. તે અવાર-નવાર રાજકોટ આવતો જતો હતો.  બાદમાં અમિત અને નિતાએ ઉષાબેનનું મકાન ખાલી કરી નાંખ્યુ હતું અને જેતપુર રહેવા જતાં રહ્યા હતાં. ગત દિવાળીએ ઘનશ્યામ રાજકોટ આવી ઉષાબેનની નાની બહેનને ભગાડી ગયો હતો. પંદર દિવસ પછી તેણીને મોરવાડથી ઉષાબેન પરત લાવ્યા હતાં. ત્યારથી મનદુઃખ ચાલતું હોઇ જેના કારણે તેણીને ફોન પર ધમકીઓ અપાતી હોવાનું ફરિયાદમાં જણાવાયું છે.

(4:24 pm IST)
  • કોલકતામાં ક્રિકેટર મોહમ્મદ શમીની પત્ની હસીન જહાંની પત્રકારો સાથે ઉદ્ધતાઇ : વીડીયો કેમેરો તોડી નાખ્યો : શમી અંગે પ્રશ્નો પૂછતા ઉશ્કેરાઇ ગઇ access_time 3:40 pm IST

  • દુનિયાની સહુથી પાવરફુલ ફેરારી કાર ભારતમાં લોન્ચ થઈ : ફેરારી 812 સુપરફાસ્ટ કાર ભારતમાં રૂ. 5.2 કરોડ (એક્સ-શોરૂમ)માં લોન્ચ કરવામાં આવી છે. આ અત્યાર સુધીમાં બનાવાયેલ સૌથી શક્તિશાળી ફેરારી કાર છે. આ નવી કાર ભારતમાં એફ 12 બર્લિનેટાની જગ્યા લેશે. ફેરારી 812 સુપરફાસ્ટમાં 6.5 લિટર વી12 એન્જિન છે, જે 789 બીએચપીનો મેક્સિમમે પાવર આઉટપુટ આપશે. access_time 2:34 pm IST

  • આજથી 88 વર્ષ પહેલા 12 માર્ચના ઐતિહાસિક દિવસે મહાત્મા ગાંધીએ અમદાવાદના સાબરમતી આશ્રમથી દાંડીકૂચ કરી બ્રિટિશ શાસનના પાયા હચમચાવી નાંખ્યા હતા. જેમાં દાંડી ખાતે ગાંધીજીએ ચપટી મીઠું ઉપાડીને કાયદો તોડીને સત્યાગ્રહ કરતા લોકજુવાળ ભભુકી ઉઠ્યો હતો. આજ દિવસે ગાધીએ સપથ લીધા હતા કે ‘કાગડા-કૂતરાના મોતે મરીશ પણ સ્વરાજ લીધા વિના પાછો નહીં ફરું' access_time 10:02 am IST