Gujarati News

Gujarati News

News of Sunday, 13th January 2019

ચુનારાવાડ, સરધાર અને જંકશન પ્લોટમાં ચાઇનીઝ દોરો વેંચતા વિશાલ, શાહબુદ્દીન અને જયકિશનની ધરપકડઃ ૩૮ ફીરકી કબ્જે

રાજકોટઃ પોલીસે જુદા-જુદા સ્થળે દરોડા પાડી પ્રતિબંધીત ચાઇનીઝ દોરો વેંચતા ત્રણ શખ્સની ધરપકડ કરી ૩૮ ફીરકી કબ્જે કરી કાયદેસરની કાર્યવાહી કરી હતી.

ચુનારાવાડ-૫માં ચામુંડા કૃપામાં રહેતાં વિશાલ મુકેશભાઇ ડાભી (ઉ.૨૦)ને ઘર પાસેના સ્ટોલમાં પ્રતિબંધીત ચાઇનીઝ દોરાની ૬ ફીરકી સાથે થોરાળા પોલીસ મથકના પીએસઆઇ પી. ડી. જાદવ, એએસઆઇ બી. જે. જાડેજા અને સ્ટાફે પકડી લઇ ગુનો નોંધી કાર્યવાહી કરી હતી.

જ્યારે સરધાર ગામમાં શાહબુદ્દીન બજરૂદ્દીન ભામાણી (ખોજા) (ઉ.૪૮) પ્રતિબંધીત ચાઇનીઝ દોરો વેંચતો હોઇ પીએસઆઇ વાઘેલા, કાળુભાઇ, જયેન્દ્રભાઇ સહિતના સ્ટાફે તેને રૂ. ૩૩૦૦ની ૧૧ ફિકરી સાથે પકડી લઇ જીપીએકટ ૧૧૭, ૧૩૧ મુજબ ગુનો નોંધી ધરપકડ કરી હતી.

આ ઉપરાંત ડીસીબીના પીઆઇ એચ. એમ. ગઢવીની રાહબરી હેઠળ પીએસઆઇ એચ. બી. ત્રિવેદી, એએસઆઇ ભરતભાઇ વાઘેલા, હેડકોન્સ. હરેશગીરી, સામતભાઇ ગઢવી, સંજયભાઇ કુમારખાણીયા સહિતની ટીમે જંકશન પ્લોટ-૫માં આહૂજા જનરલ એન્ડ સિઝન સ્ટોરમાં દરોડો પાડી જયકિશન ગોધુમલ આહુજા (ઉ.૫૯)ને ચાઇનીઝ દોરાનું વેંચાણ કરતાં પકડી લઇ રૂ. ૫૨૫૦ની ૨૧ ફીરકી કબ્જે લીધી હતી.

(11:49 am IST)
  • ટ્રેનના ડબ્બાના ગેટ પર લગાવેલ લીલી બત્તી બતાવશે કે હવે ટ્રેન ઉપડવાની છે :મુંબઈની લોકલ ટ્રેનોમાં ચડતી વેળાએ કોઈ યાત્રી દુર્ઘટનાનો શિકાર ના બને એટલા માટે નવો આઈડિયા અપનાવ્યો ;ટ્રેનના ડબ્બાના ગેટ પર લીલી બત્તીથી મુસાફરોને ટ્રેન ઉપડવાનો આપશે સંકેત access_time 1:37 am IST

  • સપા -બસપા ગઠબંધન મજબૂત :એનડીએએ પોતાને સુદઢ બનાવવું પડશે ;ચિરાગ પાસવાને કહ્યું કે ઉત્તર પ્રદેશમાં બંને પક્ષોએ લાંબા સમય સુધી શાસન કર્યું ત્યાં લોકોને બેરોજગારી અને અપરાધને પગલે અન્ય જગ્યાએ જવા મજબુર થવું પડ્યું access_time 12:48 am IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST