Gujarati News

Gujarati News

News of Friday, 12th July 2019

ધ્યાનથી જીવન સંપૂર્ણપણે બદલાય : સ્વામી રવિન્દ્ર ભારતી

ગુરૂપૂર્ણિમા નિમિતે કાલે ઓશો વાટીકામાં 'સહજતા' વિશે શિબિર

રાજકોટ, તા. ૧૨ : ધ્યાનથી જીવન બદલાય આ શબ્દો છે સ્વામી રવિન્દ્ર ભારતીના. આવતીકાલે શહેરની ભાગોળે કાલાવડ રોડ ઉપર આવેલ ઓશો વાટીકામાં 'સહજતા' વિશે તેઓની શિબિર યોજાયેલ છે.

તેઓએ જણાવેલ કે મેં મારૂ સમગ્ર જીવન ઓશોને સમર્પિત કરી દીધુ છે. વર્ષ ૧૯૭૪માં હું ઓશો સન્યાસી બન્યો હતો. એક વખત ઘરે ઓશોની કેસેટ સાંભળી અને તેનો પ્રથમ અવાજ જ મને સીધો દિલમાં સ્પર્શી ગયો. અત્રે નોંધનીય છે કે સ્વામી રવિન્દ્ર ભારતીજીની દેશ-વિદેશમાં શિબિરો યોજાય છે.

શહેરની ભાગોળે ૮ એકર જગ્યામાં આવેલ ઓશો વાટીકામાં આવતીકાલે ૧૩મીના સાંજે ૬ વાગ્યાથી શિબિર શરૂ થશે. જયારે અહિં દરરોજ સવારે ૬ થી ૭ ધ્યાન કરાવાય છે. દર રવિવારે સાંજ ૪ થી ૮ શિબિર યોજાય છે અહિં ૭૦ લોકો ધ્યાન કરી શકે અને રહેવા જમવાની સુવિધા છે. વધુ માહિતી માટે મો.૯૯૭૮૪ ૮૦૮૨૯ ઉપર સંપર્ક કરી શકાય છે.

તસ્વીરમાં સ્વામી રવિન્દ્ર ભારતી, સ્વામી સંજય સરસ્વતી, સ્વામી પ્રેમ સંગીત, મા ધ્યાન રસીલી અને પ્રેમસ્વામી નજરે પડે છે. (તસ્વીરઃ સંદિપ બગથરીયા)

(4:01 pm IST)
  • પ૩૯પ શ્રદ્ધાળુઓનો નવો કાફલો રવાના કરાયો : અમરનાથ યાત્રામાં ૧.૪૪ લાખ શ્રદ્ધાળુએ દર્શન કર્યા : પહેલી જુલાઇના દિવસે અમરનાથ યાત્રા શરૂ કરવામાં આવ્યા બાદથી ૧૧ દિનમાં મોટી સંખ્યામાં લોકો પહોંચ્યા access_time 3:13 pm IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • કર્ણાટકમાં રાજકીય સંકટ:કોંગ્રેસના કાકડાટ બાદ ભાજપમાં પણ ધમાસાણ :જેડીએસને મુખ્યમંત્રી પદ આપવા મામલે ભાજપમાં ડખ્ખો : કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદ ;કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર access_time 1:04 am IST