Gujarati News

Gujarati News

News of Friday, 12th July 2019

કોઠારીયા સોલવન્ટ વિસ્તારમાંથી ધો-૧૦ની છાત્રા ગૂમઃ અપહરણનો ગુનો

૮મીએ સવારે શાળાએ ગયા બાદ પાછી જ ન આવીઃ આજીડેમ પોલીસે તપાસ આદરી

રાજકોટ તા. ૧૨: કોઠારીયા સોલવન્ટ  વિસ્તારમાં રહેતી અને ધોરણ-૧૦માં અભ્યાસ કરતી ૧૪ વર્ષ ૧૧ માસની સગીરા ગાયબ ત્રણ દિવસ પહેલા ગાયબ થતાં શોધખોળ બાદ પોલીસને જાણ કરવામાં આવતાં સગીર ગૂમ થવાના કિસ્સામાં પોલીસે તાકીદે અપહરણનો ગુનો નોંધી તપાસ શરૂ કરી છે.

બનાવ અંગે આજીડેમ પોલીસે બાળાના પિતાની ફરિયાદ પરથી અજાણ્યા શખ્સ સામે આઇપીસી ૩૬૩, ૩૬૬ મુજબ ગુનો નોંધ્યો છે. તેમને સંતાનમાં ચાર દિકરી  અને એક દિકરો છે. જેમાં ત્રીજા નંબરની દિકરી ૮મીએ સવારે પોણા સાતેક વાગ્યે શાળાએ જવા માટે નીકળી હતી. બપોરે એક વાગ્યે સ્કૂલ છુટ્યા પછી પણ ન આવતાં સ્કૂલે જઇ તપાસ કરતાં ત્યાં પહોંચી જ ન હોવાનું વર્ગ શિક્ષક મારફત જાણવા મળતાં ઠેર-ઠેર શોધખોળ શરૂ કરી હતી.આમ છતાં પત્તો ન મળતાં પોલીસને જાણ કરાઇ હતી. ઇન્ચાર્જ પી.આઇ. એમ. જે. રાઠોડ અને સ્ટાફે અજાણ્યા શખ્સ સામે બાળાને લલચાવી ફોસલાવી અપહરણ કરી જવા સબબ ગુનો નોંધી તપાસ શરૂ કરી છે.

બાળા વિશે કોઇને માહિતી હોય તો આજીડેમ પોલીસનો ૭૪૩૩૮ ૧૪૮૦૮ ઉપર સંપર્ક કરવા જણાવાયું છે.

(3:22 pm IST)
  • મરાઠા અનામત મામલે બોમ્બે હાઇકોર્ટના ચુકાદા વિરુદ્ધ અરજી પર સુપ્રીમકોર્ટમાં સુનાવણી ;ચીફ જસ્ટિઝ રંજન ગોગોઈના અદ્યક્ષતાવાળી પીઠ સુનાવણી હાથ ધરશે:એક એનજીઓ દ્વારા દાખલ અરજીમાં કહેવાયું છે કે સુપ્રીમ કોર્ટે અનામતને લઇને 50 ટકા મર્યાદા નક્કી કરી હતી :હાઇકોર્ટનો ચુકાદો સુપ્રીમકોર્ટ વિરુદ્ધ છે access_time 1:07 am IST

  • હવે કર્ણાટક ભાજપમાં પણ કકળાટ : કર્ણાટકમાં રાજકીય સંકટના પગલે કોંગ્રેસમાં કકળાટ સર્જાયાના પગલે હવે ભાજપમાં પણ ધમાસાણ મચ્યું છે. જેડીએસ બળવાખોરને મુખ્યમંત્રી પદ આપવા મામલે ભાજપમાં ડખ્ખો સર્જાયો છે. કોંગ્રેસ અને જેડીએસ ગઠબંધન સરકાર ગબડે અને ભાજપની સરકાર બનાવવા કવાયત આડે પાર્ટીમાં મતભેદબહાર આવી રહ્યા છે. કોંગ્રેસ અને જેડીએસના બળવાખોર ધારાસભ્યોને સામેલ કરવા અંગે ભાજપમાં મતમતાંતર પ્રવર્તિ રહ્યાનું પણ કહેવાય છે. access_time 1:14 pm IST

  • ત્રિપુરા ગ્રામ પંચાયત ચૂંટણીમાં સત્તામાં રહેલ ભાજપની બંપર જીત:. પાર્ટીનાં 83 ટકા ઉમેદવાર બિનહરીફ ચુંટાયા: સીપીઆઇએમ અને કોંગ્રેસ સહિત અનેક પાર્ટીઓનાં મોટાભાગની સીટો પર પોતાનાં ઉમેદવારો હટાવી લીધા. :ચૂંટણીમાં ગોટાળા અને હિંસાનો લગાવ્યો આરોપ access_time 1:00 am IST