Gujarati News

Gujarati News

News of Tuesday, 12th February 2019

પૂ.પરમ આરાધ્યાજી મ.સ.ને હોસ્પિટલમાંથી રજા અપાઈઃ તબીયતમાં સુધારોઃ પારસધામ લઈ જવાયા

૯ ડિસેમ્બરે પૂ.નમ્રમુનિ મ.સા.પાસેથી દિક્ષા ગ્રહણ કરેલઃ કમરના દુઃખાવા માટે દાખલ કરાયેલ દિક્ષા દિને પૂ.શ્રી ઉપર મંડપની કમાન પડતા માથામાં ગંભીર ઈજા પહોંચેલ

રાજકોટઃ તા.૯/૧૨/૧૮ ના રોજ રાષ્ટ્ર સંત પૂ.ગુરૂદેવ નમ્રમુનિ મ.સા.સમીપે સંયમ અંગીકાર કરનાર ર્ંપૂ.પરમ આરાધ્યાજી મ.સ.ના મસ્તક ઉપર કમાન પડેલ. આમ છતાં અસહ્ય વેદના અને મારણાંતિક ઉપસર્ગની પરવા કર્યા વગર તેઓેએ સંયમ ધર્મનો સ્વીકાર કરી શોર્ય,પરાક્રમ અને સહનશીલતાના અજોડ દર્શન કરાવેલ.

તાજેતરમાં વિહાર દરમ્યાન પૂ.પરમ આરાધ્યાજી મ.સ.ને કમરમાં અસહ્ય દુઃખાવો થતાં તાત્કાલિક તેઓને મુંબઈ લીલાવતી હોસ્પિટલમાં સારવાર અને નિદાન માટે એડમીટ કરવામાં આવેલ. તેઓના મણકાના ટેસ્ટ વગેરે ચાલી રહેલ છે. તેઓના સંસારી પિતા મનોજભાઈ ડેલીવાળા,મામા દિલેશભાઈ ભાયાણી, દિપકભાઈ ભાયાણી, અજયભાઈ શેઠ વગેરે હોસ્પીટલે તુરત પહોંચી ગયેલ. નિષ્ણાંત ડોકટરોની ટીમ ઉપચાર કરી રહેલ છે. ર્ંદેવ,ગુરૂ અને ધર્મની અસીમ કૃપાથી પરમ આરાધ્યાજી મ.સ.શાતામાં છે...ધીરે - ધીરે સ્વસ્થતા આવી રહી છે. લીલાવતી હોસ્પિટલના સેવાભાવી ટ્રસ્ટી રેખાબેન શેઠ પૂ.ગુરૂદેવ નમ્રમુનિ મ.સા.સાથે સતત સંપર્કમાં રહી સુયોગ્ય સેવા કરી હતી. પૂ.પરમ અનન્યાજી, પૂ.પરમ પ્રતિષ્ઠાજી, પૂ.પરમ અસ્મિતાજી મ.સા.અગ્લાન ભાવે સેવા - વૈયાવચ્ચ કરી હતી.

આજે સવારે પૂ.પરમ આરાધ્યાજી મ.સા.ને લીલાવંતી હોસ્પિટલમાંથી રજા આપવામાં આવેલ. પૂ.શ્રીની તબીયત સુધારા ઉપર છે અને તેમને ડોકટરોની સલાહ મુજબ સંપૂર્ણ આરામ માટે પારસધામ- ઘાટકોપર લઈ જવાયા છે. દર્શનાર્થીઓએ સવારે ૧૦ થી ૧૨ સાંજે ૪ થી ૫ દરમિયાન જ દર્શન- વાણીનો લાભ લેવા પારસધામ તરફથી યાદીમાં જણાવાયું છે.(૩૦.૬)

 

(3:38 pm IST)
  • રાજકોટ : સિટીબસ,BRTS બસના ડ્રાઈવર અને કંડકટર સામે RMCની લાલઆંખ :વિજિલન્સ દ્વારા 22 બસમાં કર્યું સરપ્રાઈઝ ચેકીંગ :ટિકિટ નહીં આપનારા 5 કંડકટરને કાયમી સસ્પેન્ડ કરાયા:મોડી ટિકિટ આપનાર 5 કંડકટરને 7 દિવસ માટે અને 11 કંડકટરોને 10 દિવસ માટે કર્યા સસ્પેન્ડ access_time 12:24 am IST

  • રાજકોટ : ખૂબ વિવાદિત થયેલ સંવિધાન બચાવો ની કાલે રાજકોટમાં યોજાનારી રેલી અંગે સભાને આખરે પોલીસ તંત્રની મંજૂરી. શાસ્ત્રી મેદાન ખાતે યોજાશે સભા. સભા સ્થળ અંગે બે દિવસથી ચાલતી હતી ખેંચતાણ. અંતે શાસ્ત્રી મેદાન આપવા માટે તંત્ર તૈયાર. જડબેસલાક સુરક્ષા વ્યવસ્થા ગોઠવાશે. access_time 10:51 pm IST

  • દિલ્હીમાં કેજરીવાલ દ્વારા વિપક્ષની મહારેલી :મમતા બેનર્જી,ચંદ્રાબાબુ નાયડુ સહિતના દિગજ્જ નેતાઓનો જમાવડો :આપના સંયોજક ગોપાલરાયે કહ્યું કે રેલીમાં મમતા બેનર્જી,ચંદ્રાબાબુ નાયડુ,પૂર્વ પીએમ એચડી દેવગૌડા,ફારુખ અબ્દુલ્લા અને એનસીપીના શરદ પવાર સહિતના વિપક્ષી નેતા ભાગ લેશે access_time 1:06 am IST