Gujarati News

Gujarati News

News of Friday, 11th January 2019

સ્વાઇન ફલૂથી કોટડા સાંગાણી પંથકના આધેડનું મોતઃ નવા વર્ષમાં ચોથુ મોત

ગયા વર્ષે રાજકોટની ખાનગી અને સિવિલ હોસ્પિટલમાં ૪૫ દર્દીઓનો ભોગ લેવાયો હતોઃ સિવિલમાં આજે ૮ દર્દી, બે ના રિપોર્ટ બાકીઃ ખાનગી હોસ્પિટલમાં ૧૮ દર્દી સારવાર હેઠળ

રાજકોટ તા. ૧૧: સ્વાઇન ફલૂએ આજે સવારે સિવિલ હોસ્પિટલમાં કોટડા સાંગાણી પંથકના સાંઢવાયા ગામના આધેડનો ભોગ લીધો છે. તે સાથે નવા વર્ષમાં સ્વાઇન ફલૂથી મોતનો આંક ૪ થયો છે. ગયા વર્ષે તા. ૧-૯-૧૮ થી વર્ષના છેલ્લા મહિના સુધીમાં શહેરની સિવિલ અને ખાનગી હોસ્પિટલોમાં સ્વાઇન ફલૂથી કુલ ૪૫ મૃત્યુ થયા હતાં.

જાણવા મળ્યા મુજબ સાંઢવાયા ગામના ૪૫ વર્ષના આધેડને ચાર-પાંચ દિવસથી તાવ આવતો હોઇ બહાર દવા કરાવ્યા બાદ બે દિવસ પહેલા રાજકોટ સિવિલ હોસ્પિટલમાં ખસેડાયા હતાં. અહિ ગઇકાલે તેમનો સ્વાઇન ફલૂનો રિપોર્ટ પોઝિટીવ જાહેર થયો હતો. દરમિયાન આજે સવારે સાડા સાતેક વાગ્યે આ આધેડએ દમ તોડી દેતાં પરિવારમાં ગમગીની છવાઇ ગઇ હતી.

આજે સિવિલ હોસ્પિટલમાં ૮ દર્દીઓ સારવાર હેઠળ છે. જેમાં બે દર્દીના રિપોર્ટ બાકી છે. પરમ દિવસે બે દર્દી સાજા થતાં રજા અપાઇ હતી. આજે થયેલા મૃત્યુ સાથે નવા વર્ષમાં તા.૧-૧-૧૯ થી ૧૦-૧-૧૯ સુધીમાં કુલ મૃત્યુઆંક ૪ થયો છે. ખાનગી હોસ્પિટલમાં સ્વાઇન ફલૂના બાર દર્દીઓ સારવાર હેઠળ છે. જેમાં ગોંડલ, જસદણ, ધોરાજી, કોટડા, મોરબી અને કચ્છ તથા રાજકોટના દર્દીઓનો સમાવેશ થાય છે.

(3:35 pm IST)
  • જે ગાયના નામે મત માંગે છે તેમણે ગાયોને ઘાસચારો પણ આપવો જોઈએ : કેજરીવાલ : દિલ્હીના મુખ્યમંત્રી અરવિંદ કેજરીવાલે બાવાના પ્રવાસ દરમિયાન કહ્યું કે ભાજપના નેતૃત્વવાળી એમસીડીએ બે વર્ષથી આ વિસ્તારમાં એકપણ ગૌશાળાને ફંડ જારી કર્યું નથી ;વિકાસમંત્રી ગોપાલરાય સાથે મુખ્યમંત્રીએ ઉત્તર-પશ્ચિમ જિલ્લામાં બવાનામાં દિલ્હી સરકાર અને નાગર નિગમની ગ્રાન્ટેડ સૌથી મોટી શ્રી કૃષ્ણ ગૌશાળાની મુલાકાત લીધી હતી access_time 1:14 am IST

  • હરિયાણાના સોનીપતમાં ૨.૬ની તિવ્રતાના ભૂકંપના આંચકા અનુભવાયા:લોકોમાં ફફડાટ access_time 10:39 pm IST

  • રવિવારે ફરીવાર ઇંધણના ભાવમાં મોટો વધારો :પેટ્રોલના ભાવમાં લિટરે 47 પૈસા અને ડીઝલના ભાવમાં લિટરે 61 પૈસાનો વધારો ઝીક્યો ;છેલ્લા ત્રણ દિવસથી એકધારો ભાવ વધારાથી વાહન ચાલકોને વધતો બોજો :વૈશ્વિક બજારમાં ક્રૂડના વધતા ભાવને પગલે ઘર આંગણે પણ પેટ્રોલ -ડીઝલના ભાવમાં ઝીકાતો વધારો :ડિસેમ્બરમાં રાહત બાદ જાન્યુઆરીમાં ઇંધણના ભાવમાં ઘટાડો અટક્યો access_time 12:45 am IST