Gujarati News

રાજકોટ તા. ૧૧: નાના મવા રોડ પર લક્ષ્મી સોસાયટી-૧/૬ના ખુણે રહેતાં અને  ટ્રેકટરમાં રેતી-કપચીના ફેરા કરતાં વસંતભાઇ વાલજીભાઇ રાખશીયા (વણકર) (ઉ.૪૨) તથા પડોશમાં વિમલા સોસાયટીમાંથી તેમના ઘરે આવેલા તેમના બહેન મીનાબેન અજયભાઇ ગોહેલ (ઉ.૪૩) પર બચુભાઇ વાઘેલા, રાહુલ બચુભાઇ, ઉર્મિલાબેન સહિતનાએ લોખંડના પાઇપથી હુમલો કરી ઇજા કરતાં બંનેને સારવાર માટે સિવિલ હોસ્પિટલમાં ખસેડાયા હતાં.

હોસ્પિટલ ચોકી મારફત આ બનાવ અંગે માલવીયાનગર પોલીસને જાણ કરાઇ હતી. વસંતભાઇની ભાણેજના સગપણની વાત ચાલતી હોઇ તેમાં બચુભાઇ અડચણ રૂપ થતાં હોઇ તેને સમજાવતાં ખાર રાખી હુમલો કરવામાં આવ્યાનું જણાવાયું હતું.