Gujarati News

રાજકોટ તા. ૧૧: મુસાફરોને રિક્ષામાં બેસાડી નજર ચુકવી રોકડ સેરવી લેવાના ગુના આચરતાં અગાઉ પકડાયેલા બે શખ્સો સુરેશ દુલાભાઇ સોલંકી (દેવીપૂજક) (ઉ.૪૦-રહે. ઢેબર કોલોની પાસે ઝુપડામાં નારાયણનગર) તથા સુરેશ ઉર્ફ સુરી હેમાભાઇ જાડેજા (દેવીપૂજક) (ઉ.૩૦-રહે. નારાયણનગર પાસે ઢેબર કોલોની ઝૂપડામાં)ને પાસા તળે પોલીસ કમિશનર મનોજ અગ્રવાલે જુદી-જુદી જેલમાં ધકેલી દીધા છે.

ઇ-ગુજકોપ પ્રોજેકટમાં આરોપીઓનો ગુનાહિત ઇતિહાસ ચેક કરવામાં આવતાં તેના ગુના સામે આવ્યા હોઇ બંનેને પાસામાં ધકેલવાની દરખાસ્ત મુકવામાં આવતાં તે મંજુર થઇ હતી. સુરેશ સોલંકીને સુરત જેલમાં અને સુરેશ ઉર્ફ સુરી જાડેજાને વડોદરા જેલમાં ધકેલાયો છે.

એ-ડિવીઝન પી.આઇ. એન. કે. જાડેજા, પીસીબી પી.આઇ. એસ. એન. ગડ્ડુ તથા પીએસઆઇ એસ. વી. સાખરા, એએસઆઇ રણજીતસિંહ ઝાલા, બી. વી. ગોહિલ, ઇન્દ્રજીતસિંહ જાડેજા, હારૂનભાઇ ચાનીયા, દિપકભાઇ રાઠોડ, વિરેન્દ્રસિંહ ઝાલા, નરેશભાઇ ઝાલા, મોૈલિક સાવલીયા, જગદીશ વાંક અને મેરૂભા ઝાલા તથા રાજુભાઇ દહેકવાડ, શૈલેષભાઇ રાવલ, અજયભાઇ શુકલા, ઇન્દ્રજીતસિંહ સિસોદીયા, રાહુલગીરી સહિતે આ કામગીરી કરી હતી.