Gujarati News

રાજકોટ, તા. ૧૧ :. શહેરના હાર્દસમા કાલાવડ પર આવેલ કે.કે.વી. ચોકમાં ભારે ટ્રાફીકની સમસ્યા સર્જાય રહી છે ત્યારે આ સમસ્યાને કાયમી ધોરણે દૂર કરવા માટે મ્યુ. કોર્પોરેશન દ્વારા કે.કે.વી. ચોકમાં હાલ જે ફલાયઓવર છે તેની નીચે બીજો ચારમાર્ગીય અન્ડરબ્રીજ બનાવવાનો નિર્ણય લીધો છે અને આ માટે ટેન્ડરો પ્રસિદ્ધ થયાનું જાણવા મળ્યુ છે.

આ અંગે કોર્પોરેશનના ઈજનેરી સૂત્રોમાંથી પ્રાપ્ત માહિતી મુજબ ૧૫૦ ફુટ રીંગ રોડ ઉપર ફલાયઓવરનું નિર્માણ કરવા છતા કાલાવડ રોડ ઉપર કે.કે.વી. ચોકમાં અસહ્ય ટ્રાફીકજામની સમસ્યા યથાવત છે. આ સમસ્યાનો ઉકેલ લાવવા કે.કે.વી. ચોકમાં ૭ાા - ૭ાા મીટરના ૪ બોગદાવાળો ચારમાર્ગીય અન્ડરબ્રીજ બનાવવાનો નિર્ણય લીધો છે. આ અન્ડરબ્રીજ સેન્ટ મેરી સ્કૂલથી શરૂ થઈ સામેની બાજુએ રોયલ પાર્ક સુધી લાંબો બનશે. નોંધનીય છે કે આ બ્રીજ કુલ ૧૯ કરોડના ખર્ચે બનશે. બ્રીજ બનતા ટ્રાફીકનુ ભારણ હળવુ થશે.(૨-૧૮)