Gujarati News

Gujarati News

News of Friday, 11th June 2021

એરપોર્ટ માટે જમીન સંપાદન માટે હીરાસરનાં ગ્રામજનોને મકાનો ખાલી કરાવતા તંત્ર સામે રોષ

રાજકોટ : હીરાસર એરપોર્ટ માટે હીરાસર ગામમાં બિનજરૂરી જમીન સંપાદનની કામગીરીનાં આક્ષેપો સાથે ગ્રામજનોએ રોષ વ્યકત કરી આ બાબતે કલેકટરશ્રીને રજૂઆત કરી હતી. આ રજૂઆતમાં જણાવાયુ હતું કે જયારે જમીન સંપાદન માટે વાંધા-સુચનની બેઠક યોજાઇ ત્યારે તંત્રએ ખાત્રી આપેલ કે ગામનાં કુવા-તળાવ બધુ યથાવત રહેશે. અને જરૂર પુરતી જ જગ્યા લેવાશે. પરંતુ હવે પોલીસ બંદોબસ્ત સાથે અધિકારીઓ આવી અને એરપોર્ટ માટે ગામનાં કેટલાક મકાન ધારકોને બે દિવસમાં મકાન ખાલી કરવા નોટીસ આપી એટલુ નહી ગામનું તળાવ કુવો વગેરેનો કબ્જો પણ લઇ લેવા જણાવેલ તસ્વીરમાં બેઘર બનેલા ગ્રામજનો ખુલ્લામાં રાવટી નાંખી ઘર-વખરી સાથે જીવન વિતાવી રહેલાં નજરે પડે છે. ત્યારે હીરાસરનાં બેઘર  બનેલા ગ્રામજનોને વળતર આપવા અને જમીન સંપાદનમાં ન્યાયી કાર્યવાહી કરવા ૧પ થી વધુ ગ્રામજનોએ રજૂઆત કરી છે.

(3:55 pm IST)
  • પૂર્વ પોલીસ કમિશ્નર પરમ બીરસિંહને સુપ્રીમ કોર્ટની પડી ફિટકાર : કોર્ટે કહ્યું કે "તમે 30 વર્ષ સુધી મહારાષ્ટ્ર કેડરની સેવા કરી અને હવે કહો કે તમને રાજ્ય પોલીસમાં વિશ્વાસ નથી - આ ખૂબ આઘાતજનક બાબત કહેવાય". સુપ્રિમ કોર્ટે શુક્રવારે મુંબઇના ભૂતપૂર્વ પોલીસ કમિશનર પરમ બીરસિંહે તેમની સામે મહારાષ્ટ્રમાં નોંધાયેલા તમામ ગુનાહિત કેસોને સેન્ટ્રલ બ્યુરો ઓફ ઇન્વેસ્ટિગેશન અથવા અન્ય કોઈ સ્વતંત્ર એજન્સીમાં સ્થાનાંતરિત કરવાની અરજીની સુનાવણી કરવાનો સુપ્રીમ કોર્ટ સાફ ઇનકાર કર્યો access_time 12:49 pm IST

  • ઉત્તર પ્રદેશમાં ઝડપભેર નવા બનાવો આકાર લઇ રહ્યા છે: આનંદીબેનને મળતા આદિત્યનાથ :અત્યારે રાત્રે મળતા અહેવાલો પ્રમાણે ઉત્તર પ્રદેશના મુખ્યમંત્રી યોગી આદિત્યનાથ ઉત્તર પ્રદેશના રાજ્યપાલ શ્રીમતી આનંદીબેન પટેલને મળવા ગયા છે. ઉત્તર પ્રદેશના પ્રધાનમંડળમાં ઝડપભેર મહત્વના ફેરફારો આવી રહ્યાના સ્પષ્ટ નિર્દેશો મળે છે access_time 9:12 pm IST

  • ખૂબ જલ્દી કેન્દ્રીય કેબિનેટમાં ફેરફારની તૈયારી : પીએમ મોદીની ગૃહમંત્રી અમિતભાઇ શાહ અને જેપી નડ્ડા સાથેની બેઠક મોડી રાત્રે પુરી થઈ : પીએમ મોદી કાલે ધર્મેંદ્ર પ્રધાન, નરેન્દ્ર સિંહ તોમર, ગજેન્દ્ર સિંહ શેખાવત, મહેન્દ્ર નાથ પાંડેય, હરદીપ પુરીની સાથે તેમની સાથે સંબંધિત મંત્રાલયોના કામોની સમીક્ષા કરશે : કેબિનેટમાં બહુ મોટા પરિવર્તનો તુરંત માં થશે તેમ PMO ના સુત્રો થકી જાણવા મળે છે (ન્યૂઝફર્સ્ટ) access_time 11:41 pm IST