Gujarati News

Gujarati News

News of Friday, 11th June 2021

મહિલા પોલીસ સ્ટેશનનો નવતર પ્રયોગઃ ઘરેલુ પ્રશ્નોમાં બંને પક્ષનું ઓનલાઇન કાઉન્સેલીંગ

રાજકોટ શહેર મહિલા પોલીસ સ્ટેશન ખાતે ઘરેલુ પ્રશ્નો લઇને આવતા અરજદારોનો લગ્ન સંસાર તુટે નહીં અને તેમના બાળકો મા-બાપ વગરના ન થાય તેમજ પરીવાર રૂપી માળો વિખેરાય નહીં તે માટે બંને પક્ષોનું વ્યવસ્થીત, યોગ્ય કાઉન્સેલીંગ કરી ઘરેલુ પ્રશ્નોનું નિરાકરણ લાવી બંને પક્ષોનુ સમાધાન કરાવવાના ઉમદા હેતુથી મહિલા પોલીસ સ્ટેશનની ટીમ કામગીરી કરે છે. હાલમાં કોરોના જેવી મહામારીને ધ્યાનમાં લઇ કોરોના સંક્રમણ વધતુ અટકાવી શકાય એ માટે જેણે પણ તેમના ઘરેલુ પ્રશ્નોની અરજી કરેલ હોઇ અને સામેવાળા બહારગામ હોઇ તેઓ રૂબરૂ પોલીસ સ્ટેશને આવી શકે તમ ન હોઇ આ અરજદારોના પ્રશ્નો સાંભળવા, કાઉન્સેલીંગ કરવા મહિલા પોલીસ સ્ટેશનની ટીમ સોશિયલ મિડીયાનો સદ્દઉપયોગ કરી ઝૂમ એપ્લીકેશન મારફત અરજદાર અને સાસરિયાઓને એકઠા કરી સમજણ આપે છે અને સકારાત્મક પરિણામ લાવવા પ્રયાસ કરે છે. મહિલા પોલીસનો આ નવતર પ્રયોગને ઉચ્ચ અધિકારીઓએ બીરદાવ્યો છે. પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા તથા એસીપી જે.એસ.ગેડમની સુચના હેઠળ પીઆઇ એસ. આર. પટેલ અને તેમની ટીમો આ કામગીરી કરવામાં આવી રહી છે.

(3:07 pm IST)
  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • ગુજરાતમાં કોરોનાની બીજી લહેર પુરી થવાના આરે - આજે ઘણા મહિને રાજ્યમાં 500ની અંદર નવા કોરોના કેસ નોંધાયા : રાજ્યમાં નવા કોરોના કેસ ઘટીને આજે ફક્ત 481 નોંધાયા અને સામે 1526 દર્દીઓ સાજા થયા : આ સાથે આજે રાજકોટ શહેર - જિલ્લામાં પણ કોરોના થાક્યો : આજે સાંજ સુધીમાં રાજકોટ શહેરમાં 24 અને ગ્રામ્યના 10 કેસ સાથે કુલ ફક્ત 34 નવા કોરોના ના કેસ નોંધાયા : અને સાથે રાજકોટ શહેર - જિલ્લામાં આજે કુલ 41 દર્દીઓ સાજા થયા access_time 7:46 pm IST

  • કોરોના એ સરકારનું ષડયંત્ર છે : મુસ્લિમોની વધી રહેલી જનસંખ્યા મહા વિનાશ સર્જશે : હિંદુઓ પાંચથી છ બાળકો પેદા કરે : મથુરાના ડાસના દેવી મંદિરના મહંત સ્વામી યતિ નરસિંહાનંદ સરસ્વતીનું વિવાદિત નિવેદન access_time 7:58 pm IST