Gujarati News

Gujarati News

News of Tuesday, 11th May 2021

ગાંજાના જથ્થા સાથે ગાંધીગ્રામના વલ્લભ ધંધુકિયાને રાજકોટ શહેર એસઓજી ટીમે પકડી લીધો

રાજકોટ : શહેર એસઓજી ટીમે ગાંધીગ્રામના પ્રૌઢને ગાંજા સાથે પકડી લીધો છે. પોલીસ કમિશ્નરશ્રી મનોજ અગ્રવાલ, જોઇન્ટ પોલીસ કમિશ્નરશ્રી ખુરશીદ અહેમદ, નાયબ પોલીસ કમિશ્નર ઝોન-૧ પ્રવિણકુમાર મિણા, નાયબ પોલીસ કમિશ્નર ઝોન-૨  મનોહરસિંહ જાડેજા  તથા મદદનિશ પોલીસ કમિશનર ક્રાઇમ ડી.વી.બસીયા  તથા એસ.ઓ.જી. પો.ઇન્સ. આર.વાય.રાવલ તરફથી રાજકોટ શહેરમાં નાકોટીકસ પદાર્થની હેરાફેરી કે વેચાણ કરતા અને અસામાજીક પ્રવૃતિ આચરનારા કે આ પ્રકારના નાકોટીકસ પદાર્થનું ખરીદ વેચાણ કરતા કે સેવન કરનારા ઇસમો વિરુધ્ધ કાયૅવાહી કરવા સુચના આપેલ હોય જે સબંધે રાજકોટ શહેર પોલીસ પ્રતિબધ્ધ હોય જે અન્વયે આજ તા.૧૧ ના  શહેર એસ.ઓ.જી.ના આર.વાય.રાવલ પો.ઇન્સ. તથા એએસઆઇ રવીભાઇ ડી. વાંક, પો.હેડ.કોન્સ. કિશનભાઇ ખેંગારભાઇ તથા પો.હેડ.કોન્સ. ડી.જી.ઝલા, પો.હેડ.કોન્સ. મોહીતસિહ જાડેજા, પો.કોન્સ. કિશોરભાઇ એલ. ઘુઘલ તથા ડ્રાઇવર કૃષ્ણસિંહ બાપાલાલ રાજકોટ શહેરમાં પેટ્રોલીંગમા હતા દરમ્યાન નાણાવટી ચોકથી આગળ ગાંધીગ્રામ મેઇન રોડ ઉપર આવેલ મોમાઇ હોટલ પાસે વલ્ભભાઇ જેઠાભાઇ ધંધુકીયા (કુંભાર) (ઉવ.૫૦ રહે. ગાંધીગ્રામ શેરી નં ૭ બાલાજી મકાન રાજકોટ મુળ ગામ ભુખી તા.ધોરાજી જી.રાજકોટ)  શંકાસ્પદ હાલતમાં નીકળતા તેની પંચો રૂબરૂ અંગ જડતી કરતા તેના પેન્ટના ખીસ્સામાંથી નશાકારક પદાથૅ ગાંજાનો જથ્થો મળી આવતા ધોરણસર કાર્યવાહી કરી આ અંગે ગાંધીગ્રામ પોલીસ સ્ટેશન ખાતે એનડીપીએસ એકટ અંતગર્ત ગુન્હો નોંધવાની તજવીજ કરવામાં આવનાર છે. આરોપીની ઘરપકડ અંગેની કાર્યવાહી કોવીડ ટેસ્ટ બાદ કરવામાં આવશે.

વલ્લભ પાસેથી ગાંજાનો જથ્થો ૧૨૩ ગ્રામ કિ.રૂ.૧૨૩૦ તથા રોકડા રૂપીયા રૂ. ૨૦૦ કબ્જે કરાયા છે.

વલ્ભભાઇ જેઠાભાઇ ધંધુકીયા જાતે કુંભાર ઉવ.૫૦ રહે ગાંધીગ્રામ શેરી નં ૭ બાલાજી મકાન રાજકોટ મુળ ગામ ભુખી તા.ધોરાજી જી.રાજકોટ

આ કામગીરી આર.વાય.રાવલ પો.ઇન્સ. તથા એએસઆઇ રવીભાઇ ડી. વાંક, પો.હેડ.કોન્સ. કિશનભાઇ ખેંગારભાઇ તથા પો.હેડ.કોન્સ. ડી.જી.ઝલા, પો.હેડ.કોન્સ. મોહીતસિંહ જાડેજા, પો.કોન્સ. કિશોરભાઇ એલ. ઘુઘલ તથા ડ્રાઇવર કૃષ્ણસિંહ સહિતે કરી હતી.

(8:45 pm IST)
  • તેલંગણામાં આવતીકાલથી ૧૦ દિવસનું લોકડાઉન : સવારે ૬ થી ૧૦ તમામ કામકાજ ચાલુ રાખવાની છૂટ : કોરોના વેક્સીનની ખરીદી માટે વૈશ્વિક ટેન્ડર બહાર પડાશે : તેલંગણા સરકારે આવતીકાલે તા.૧૨મી મે થી રાજયમાં ૧૦ દિવસનું લોકડાઉન જાહેર કર્યુ છે : જા કે તમામ કામકાજ સવારે ૬ થી ૧૦ સુધી ચાલુ રાખવા દેવામાં આવશે : તેલંગણામાં છેલ્લા બે અઠવાડીયાથી રાત્રી કર્ફયુ અમલમાં છે : સવારે ૬ થી ૧૦ને બાદ કરતા રાજયમાં બાકીના સમય માટે સંપૂર્ણ લોકડાઉન રહેશે : તેલંગણા સરકાર જૂન મહિના પછી ૧૮ વર્ષથી ઉપરની વયનાઓ માટે રસીકરણ ડ્રાઈવ શરૂ કરશે : તેલંગણા કેબીનેટે કોવિડ-૧૯ વેક્સીન ખરીદવા માટે વૈશ્વિક ટેન્ડરો પાર પાડવાનું પણ નક્કી કર્યુ છે access_time 4:01 pm IST

  • મળતા અહેવાલો મુજબ અમદાવાદ, ગુજરાતના ચેરિટી કમિશનરે એનજીઓ ‘વી ધ પીપલ ચેરીટેબલ ટ્રસ્ટ’ ના બેન્ક ખાતા ફ્રીઝ કરવાનો આદેશ આપ્યો છે. ધારાસભ્ય જીગ્નેશ મેવાણી આ NGO ના નામે ભંડોળ એકત્રિત કરી રહ્યા હતા, બાદ આ હુકમ થયો છે. એનજીઓને પણ કારણદર્શક નોટિસ ફટકારવામાં આવી છે. એક તપાસમાં જાણવા મળ્યું છે કે મેવાણી આ સંસ્થાના ટ્રસ્ટી નથી. ટ્રસ્ટ તરફથી જવાબ માંગવામાં આવ્યો છે કે શું મેવાણીને આવી કોઈ અપીલ કરવા માટે અધિકૃત કરવામાં આવ્યા હતા? પરંતુ રિપોર્ટ પ્રમાણે હજી સુધી NGO તરફથી કોઈ જવાબ મળ્યો નથી તેમ જાણવા મળે છે. access_time 12:18 am IST

  • ઇંગ્લેન્ડમાં કોરોના શાંત થઈ ગયો :છેલ્લા એક વર્ષમાં પહેલી વખત ઇંગ્લેન્ડમાં કોરોનાવાયરસનો એક પણ નવો કેસ ગઈકાલે નોંધાયો નથી. access_time 10:44 am IST