Gujarati News

Gujarati News

News of Sunday, 11th April 2021

કોરાના સામે જાગૃતિ માટે ગાંધીગ્રામ પોલીસ સ્ટેશન સામે ચિત્રનગરીના કલાકારોએ બનાવ્યા સંદેશો આપતાં બે ચિત્રો: પીઆઇ ખુમાનસિંહ વાળા અને ટીમનો સહકાર

રાજકોટઃ કોરોના સંક્રમણને અટકાવવા માટે રાજકોટ શહેર પોલીસ કમિશનર શ્રી મનોજ અગ્રવાલ, સંયુક્ત પોલીસ કમિશનરશ્રી ખુરશીદ અહેમદ, ડીસીપી ઝોન ૨ મનોહરસિંહ જાડેજા, એસીપી પશ્ચિમ વિભાગ પી કે દિયોરા દ્વારા સૂચના આપવામાં આવી છે કે હાલમાં માસ્ક પહેરવું અને વેક્સિન લેવી આ બે ઉપાય બાબતે લોકોને વધુમાં વધુ જાગૃત કરવા.સરકાર દ્વારા પણ લોકોને અવારનવાર જુદા જુદા માધ્યમો દ્વારા લોકોને જાગૃત કરવામાં આવે છે. દરમિયાન રાજકોટ શહેરના ગાંધીગ્રામ પોલીસ સ્ટેશન દ્વારા પણ કોરોના સંક્રમણ અટકાવવા વેક્સિન લેવા તેમજ માસ્ક પહેરવા અંગે લોકોને જાગૃત કરવા માટે એક નવતર પ્રયોગ અપનાવાયો છે. ચિત્રનગરીના કલાકારો દ્વારા 150  ફૂટ રિંગ રોડ ગાંધીગ્રામ પોલીસ સ્ટેશન સામે  પોલીસ ઇન્સ્પેકટર ખુમાનસિંહ વાળા સાથે મળી કોરોના જાગૃતિ માટે રોડ પર બે ચિત્ર બનાવવામાં આવ્યા છે. જેમાં એક વેક્સિન જાગૃતિ માટે અને બીજું ચિત્ર એક નાની બાળકી બે હાથ જોડીને તેમના વડીલોને કહે છે કે તમારા બાળક માટે માસ્ક પહેરો અને ઘરે રહો. ચિત્રનગરીના કલાકાર રૂપલબેન સોલંકી, લલિતભાઈ માલવિયા, જય દવે અને શિવમ અગ્રવાલ દ્વારા આ ચિત્રો બનાવવામાં આવ્યા છે.

(5:49 pm IST)
  • SII ના આદર પૂનાવાલાના કોરોના રસી ઉત્પાદન ના નિવેદન અંગે એમ્સના ડાયરેક્ટર ડો. રણદીપ ગુલેરિયાએ જવાબ આપતા કહ્યું કે એન્ટી-કોરોના રસી માટેના પુરવઠા વિશે જાણકારી રાખવી એ કોઈ 'રોકેટ સાયન્સ' નથી કે તમારે તેના ઉત્પાદન માટે રાહ જોવી જોઈએ. તેમણે કહ્યું કે રસી નિર્માતાને ઉત્પાદન વિશેની તમામ જાણકારી હોવી જોઈએ. ઉત્પાદકોને ફક્ત ભારત જ નહીં, પરંતુ બાકીના વિશ્વને પણ સપ્લાય (જરૂરિયાત) વિશે જાગૃત હોવું જોઈએ. એમ કહેવા માટે કે તેઓ હવે ઉત્પાદન શરૂ કરશે, તે આશ્ચર્યજનક છે. access_time 11:48 pm IST

  • રાજકોટ શહેર - જિલ્લામાં કોરોનાનો વણથંભ્યો આતંક : આજે સાંજ સુધીમાં રાજકોટ શહેરમાં 405 અને ગ્રામ્યના 70 કેસ સાથે કુલ 475 નવા કોરોના ના કેસ નોંધાયા access_time 7:28 pm IST

  • પરિમલ નથવાણી અલગ મિજાજમાં: રિલાયન્સ ઇન્ડસ્ટ્રીઝના કોર્પોરેટ ડાયરેક્ટર અને આંધ્રના રાજ્યસભાના સભ્ય શ્રી પરિમલભાઈ નથવાણી નવરાશની પળોમાં એક અલગ જ મિજાજમાં નજરે પડે છે.. રવિવાર સવારનો સમય તેમણે શરીરની ચુસ્તી-સ્ફુર્તિ જાળવવામાં પસાર કર્યો હતો. access_time 10:37 pm IST