Gujarati News

Gujarati News

News of Thursday, 10th October 2019

કાલાવડ રોડ રૂડાનગરમાં એડવોકેટ કિરીટભાઇ ચૌહાણના ઘરમાં રૂ. ર૮ હજારની ચોરી

દસ દિવસ પહેલા તસ્કરો બારોટ પરિવારને ઉંઘતા રાખી રોકડ તથા ઘરેણા ઉઠાવી ગયા

રાજકોટ તા.૧૦ : કાલાવડ રોડ પર રૂડાનગર શેરી નં. ૧માં રહેતા વકીલ પરિવારને ઉંઘતા રાખી તસ્કરો મકાનમાંથી રોકડ તથા ઘરેણા ચોરી જતા ફરીયાદ થઇ છે.

મળતી વિગત મુજબ રૂડાનગર-૧ શેરી નં. ૧૦ બ્લોક નં. ર૬૮માં રહેતા વકીલ કીરીટભાઇ ત્રિકમભાઇ ચૌહાણ (ઉ.૩પ) ગત તા.૧ ના રોજ રાત્રે પોતાના ઘરની અગાશી પર સુતા હતા તેની બાજુમાં તેના પિતા સુતા હતા બીજા દીવસે સવારે પિતા ત્રીકમભાઇએ પોતાને જગાડેલ અને કહેલ કે 'આપણા ઘરમાં ચોરી થઇ છે' તેમ કહેતા કિરીટભાઇ ચૌહાણ તાકીદે નીચે આવી જોતા ઘરમાં સામાન વેરવીખેર પડયો હતો. અને તપાસ કરતા રૂ.૪પ૦૦ ની કિંમતના  મોબાઇલ ફોન પિતાના રૂમમાં પાકીટમાંથી રૂ.૪૧પ૦ રોકડા બાદ પોતાના રૂમના કબાટમાંથી ચાંદીના બે જોડી કડલા, લક્કી, સોનાની વીંટી, બે ઓમકાર, તથા રૂ.૧૦ હજાર રોકડા મળી કુલ રૂ.ર૮૬પ૦ ની મતા ચોરી ગયા હતા બાદ આ અંગે ગઇકાલે કિરીટભાઇ ચૌહાણે તાલુકા પોલીસ મથકમાં ફરીયાદ નોંધાવતા પીએસઆઇ એસ.આર. સોલંકીએ તપાસ હાથ ધરી છે.

(3:49 pm IST)
  • અમરેલીના સરોવડામાં ગાજવીજ સાથે ધોધમાર વરસાદ access_time 3:51 pm IST

  • પાકિસ્તાને ગ્વાદર ક્ષેત્રમાં ચીની કંપનીઓને 23 વર્ષ માટે ઈન્ક્મટેક્સમાં આપી છૂટ : પાકિસ્તાને રણનીતિક ગ્વાદર બંદરગાહ અને તેના મુકતક્ષેત્રમાં કાર્યરત ચીનની કંપનીઓને આવકવેરા મુકત કરવા નિર્ણંય કર્યો access_time 1:07 am IST

  • રાજસ્થાનમાં સ્કૂલમાં ઝેરી પાણી પીવાથી છ બાળકોની તબિયત બગડી :સ્કૂલની ટાંકી અને માટલામાં ઝેર ભેળવાયું હોવાની આશંકા : રાજસ્થાનના ચુરુ જિલ્લાના ભાલેરી પંથકની એક ખાનગી સ્કૂલમાં ઘટના : ઝેરી પાણી પીવાથી 60 બાળકોની તબિયત લથડી : સાત બાળકોની સ્થિતિ ગંભીર access_time 12:42 am IST