Gujarati News

Gujarati News

News of Thursday, 10th October 2019

શિક્ષણ સમિતિની શાળાઓમાં વિજ્ઞાન પ્રયોગના સાધનો વસાવાશે

સભ્યોના માનદ્દ વેતન વધારો, સંત્રાત પરિક્ષાનું આયોજન શાળા નં. ૧૯ નું નવું બિલ્ડીંગ બનાવવા સહિતની દરખાસ્તોને સમિતિના બોર્ડની બેઠકમાં લીલીઝંડી

રાજકોટ તા. ૧૦ : નગર પ્રાથમીક શિક્ષણ સમિતિની બોર્ડ મિટીંગ યોજવામાં આવેલ જેમાં વિદ્યાર્થીઓના સવાંર્ગી વિકાસ માટેના અનેક મુદ્દાઓ ઉપર ચર્ચા-વિચારણા કરવામાં આવી અને બાળકોમાં શિક્ષણ પ્રત્યે રૂચી જાગે અને કારકિર્દિ ઘડતર થાય તે માટેના પ્રયત્નો હાથ ધરાશે.

આ અંગે શિક્ષણ સમિતિના ચેરમેન નરેન્દ્રસિંહ ઠાકુરે જણાવ્યું હતું સમિતિની વોર્ડ મિટીંગમાં બાલ વૈજ્ઞાનિકને પ્રોત્સાહન માટે સ્ટેમ લેબ મટીરીયલ્સ (વિજ્ઞાનના પ્રયોગ સાધનો) ની વ્યવસ્થા, વિદ્યાર્થીઓને કોમ્પ્યુટર શિક્ષણ પ્રોજેકટ, અંગ્રેજી માધ્યમ શાળામાં વિવિધ પ્રોજેકટ માટેની વ્યવસ્થા, શાળા નં. ૧૯ ના મકાન પાડીને નવુ બનાવવું તેમજ ત્યાંના મેદાનમાં કસ્તુરબા ગાંધી બાલિકા વિદ્યાલયનું નિર્માણ, સરકારશ્રીએ કરેલ સભ્યશ્રીઓના માનદ્ વેતન વધારાને બહાલી, સત્રાંત પરીક્ષા-૧૯ના આયોજન તથા પ્રશ્નપત્ર છાપકામની કામગીરીને બહાલી, શાળા નં.-૬૪ ના મકાનમાં રીનોવેશનની કામગીરી, તેમજ શાળા નં.-૬ર, ૩પ,૮૮ ના ભાડુતી મકાન વિવિધ શૈક્ષણીક કાર્યના ઉપયોગમાં લેવા અંગે આ તમામ દરખાસ્તો સર્વાનુમતે મંજુર કરવામાં આવેલ.

આ બોર્ડ મિટીંગમાં ચેરમેન નરેન્દ્રસિંહ ઠાકુર, સભ્ય કિશોરભાઇ રાઠોડ, મુકેશભાઇ મહેતા, જગદીશભાઇ ભોજાણી, ભાવેશભાઇ દેથરીયા, સંજયભાઇ હિરાણી, કિરણબેન માંકડીયા, અલ્કાબેન કામદાર, મુકેશભાઇ ચાવડા, રહિમભાઇ સોરા, ધિરજભાઇ મુંગરા, શરદભાઇ તલસાણીયા, ડો .રાજેન્દ્રભાઇ ત્રિવેદી ઉપસ્થિત રહેલ.

(3:35 pm IST)
  • ફાન્સથી પરત ફર્યા રક્ષામંત્રી રાજનાથસિંહ : શસ્ત્ર પૂજન અંગે આપ્યું નિવેદન : શસ્ત્ર પૂજા અંગે સવાલ ઉઠાવવો યોગ્ય નથી :કોંગ્રેસમાં પણ વિભાજન થયું હોવું જોઈએ :અમે એ કર્યું જે મને ઠીક લાગ્યું : આ મારો વિશ્વાસ છે કે એક સુપર પાવર છે અને બાળપણથી જ એવું માન્યું છે access_time 1:08 am IST

  • ઈજાગ્રસ્ત ઝિંગન બાંગ્લાદેશ વિશ્વકપ ક્વાલિફાયર મેચથી બહાર :ભારતીય ફૂટબોલ ટીમના ડિફેન્ડર સંદદેશ ઝિંગન ઇજા થવાના કારણે 15મી ઓક્ટોબરથી બાંગ્લાદેશ વિરુદ્ધ ફિફા વિશ્વકપ ક્વાલિફાયર મુકાબલાથી બહાર થયો : ઝિંગનને નોર્થઇસ્ટ યુનાઇટેડ એફસીના વિરુદ્ધ રમાયેલ મૈત્રી મેચમાં ઇજા થઇ હતી access_time 1:22 am IST

  • દિલ્હી-એનસીઆરમાં ડીઝલ જનરેટરના ઉપયોગ પર પ્રતિબંધ લાગશે : પ્રદુષણ-પર્યાવરણ નિયંત્રણ બોર્ડે 15મી ઓક્ટોબરથી ગ્રૅન્ડેડ રિસ્પોન્સ પ્લાન લાગુ કરવા નિર્ણંય કર્યો : 15મી ઓક્ટોબરથી 15 માર્ચ સુધી લાગુ રહેશે : આ સમય દરમિયાન ડીઝલ જનરેટરનો વપરાશ કરી શકાશે નહીં : બોર્ડે 15 ઓક્ટોબર સુધીમાં રસ્તાના ગાબડાં ભરવા પણ આદેશ કર્યો access_time 1:12 am IST