Gujarati News

Gujarati News

News of Friday, 9th February 2018

યાજ્ઞિક રોડ પર કપડાના શો રૂમમાં બાકોરૂ પાડી બે ચોકીદારે ૪ાા લાખની ચોરી કરી!

વણિક વેપારી દિનેશભાઇ દેસાઇની સિલેકશન એકસકલુઝિવ મેન્સ વેરમાં બનાવઃ પાછળ કડીયા કામની સાઇટ પર ચોકીદારી કરતાં યુ.પી.ના બે શખ્સ સીસીટીવીમાં દેખાયા

શો રૂમની પાછલી દિવાલમાં પાડવામાં આવેલુ બાકોરૂ, જ્યાં ચોરી થઇ તે શો રૂમ, વેરવિખરે કપડા, દૂકાન માલિક દિલીપભાઇ દેસાઇ અને સીસીટીવીમાં બંને તરસ્કર રાત્રે ૨:૫૧ કલાકે કપડાના થેલા ભરી બહાર નીકળ્યા તે જોઇ શકાય છે (ફોટોઃ અશોક બગથરીયા)

રાજકોટ તા. ૯: તસ્કરોએ શહેરમાં ઉપાડો લીધો છે. ગઇકાલે ગોંડલ રોડ જકાતનાકા પાસે અને અટીકા ફાટક પાસે ચાર દૂકાનોમાં બે બુકાનીધારી તસ્કર ત્રાટકી હાથફેરો કરી ગયા હતાં. ત્યાં હવે યાજ્ઞિક રોડ પર ડી.એચ. કોલેજ સામે આવેલા કપડાના શો રૂમમાં પાછળની દિવાલમાં બાકોરૂ પાડી બે શખ્સ રોકડ-કપડા મળી સાડા ચારેક લાખની મત્તા ચોરી ગયા છે. આ બંને પાછળની સાઇડમાં બિલ્ડીંગ રિનોવેશનનું કામ ચાલતું હોઇ ત્યાં ચોકીદાર તરીકે કામે રખાયેલા બે પરપ્રાંતિય શખ્સોએ જ આ ચોરી કરી હોવાનું સીસીટીવી ફૂટેજ પરથી જણાય છે. પોલીસે આ અંગે તપાસ આરંભી છે.

જાણવા મળ્યા મુજબ ન્યુ જાગનાથ પ્લોટ-૨૩માં એસ્ટ્રોન પાછળના ભાગે રહેતાં વણિક વેપારી દિપકભાઇ અમૃતલાલ દેસાઇ આજે સવારે યાજ્ઞિક રોડ પર આવેલી સિલેકશન એકસકલુઝિવ મેન્સ વેર નામની દૂકાને પહોંચ્યા હતાં અને નિત્ય ક્રમ મુજબ શટરો ઉંચકાવી અંદર ગયા હતાં. આ શો રૂમમાં વિક્રમ ડાભી, કરણ સોલંકી, મેહુલ રાજપૂત, ધાર્મિક બારોટ સહિતના કર્મચારીઓ કામ કરે છે. બધાએ અંદર જઇ જોતાં કપડાના વેરવિખેર દેખાયા હતાં અને પાછલી દિવાલમાં બાકોરૂ જોવા મળ્યું હતું.

તપાસ કરતાં શો રૂમમાંથી જીન્સ, કોટન શર્ટ, ટ્રાઉઝર, ફોર્મલ પેન્ટ સહિત રૂ. સવા ચારેક લાખના કપડા ગાયબ જણાયા હતાં. તેમજ કાઉન્ટરમાંથી રૂ. ૨૫ હજાર રોકડા ગાયબ હતાં. કુલ સાડા ચારેક લાખની મત્તા ચોરાઇ હોવાની જાણ પોલીસને કરવામાં આવતાં પ્ર.નગરના પી.એસ.આઇ. બી. પી. વેગડા અને બાબુલાલ ખરાડીએ  પહોંચી જરૂરી કાર્યવાહી કરી હતી.

સીસીટીવી કેમેરા ચેક કરવામાં આવતાં    બે શખ્સ થેલા ભરીને બહાર નીકળતાં દેખાયા હતાં. આ બંને યુ.પી. તરફના અને શો રૂમની પાછળ જ બિલ્ડીંગ રિનોવેશનનું કામ ચાલતું હોઇ એ સાઇટ પર ચોકીદાર કરતાં શખ્સો જ હોવાનું જણાયું હતું. પોલીસે આ બંનેની શોધખોળ હાથ ધરી છે.

(4:33 pm IST)
  • પ્રતિબંધ છત્તા તેજાબના ખુલ્લેઆમ વેચાણ વિરૂદ્ધ થયેલી અરજી અંગે સુપ્રીમ કોર્ટે કેન્દ્ર અને રાજ્ય સરકારોને નોટિસ ફટકારી : સુપ્રીમ કોર્ટે કેન્દ્ર અને તમામ રાજ્ય સરકારો પાસેથી જવાબ માંગ્યો : અરજીમાં સર્વોચ્ચ ન્યાયાલયના આદેશનું ઉલ્લંઘન થતું હોવાનું કહેવાયું છે access_time 9:22 am IST

  • ગોવા સરકારના પ્રધાન વિજય સરસદેસાઈએ ઉત્તર ભારતીય પર્યટકોને લઈને વિવાદીત નિવેદન આપ્યું છે અને તેમને ધરતી પર ગંદગી ગણાવ્યા છે. વિજય સરદેસાઈએ કહ્યુ છે કે આ પર્યટકો ગોવાને હરિયાણા બનાવવા ચાહે છે. પોતાના સંબોધનમાં વિજય સરદેસાઈએ ઉત્તર ભારતીય પર્યટકોને મોટા પૂર સમાન ગણાવ્યા અને તેમણે ગોવાને બીજું ગુરુગ્રામ નહીં બનવા દેવાની વાત પણ કરી હતી. access_time 7:25 pm IST

  • રાજસ્થાનના ભીલવાડામાં હલવો ખાધા બાદ પાંચના મોત : ત્રણ ગંભીર : હોસ્પિટલમાં ખસેડાયા : ફૂડ પોઇઝનની અસર : હલવામાં કોઈ ઝેરી પ્રદાર્થ પડ્યો કે કેમ ? તપાસ શરૂ : એક ઘરમાં હળવો ખાધા બાદ તબિયત બગડી : ભીલવાડાના ભૂટેલમાં બનાવ access_time 9:23 am IST