Gujarati News

Gujarati News

News of Saturday, 9th November 2019

રેસકોર્ષ-૨ વિસ્તારમાં બનશે બીજુ કાકરીયાઃ વિશેષ માહિતી

અટલ સરોવર ડેવલપમેન્ટમાં સાઈકલ ટ્રેક, બે એમ્ફી થીયેટર, આઈલેન્ડ સહિતની સુવિધાઃ કોર્પોરેશન સંચાલિત સ્કૂલ તેમજ આંગણવાડીના બાળકોને એન્ટ્રી ટીકીટ ફ્રી

રાજકોટઃ. મહાનગરપાલિકા દ્વારા રાજકોટ સ્માર્ટ સીટી ડેવલપમેન્ટ લીમીટેડ હેઠળ ટી.પી. સ્કીમ નં.-૩૨, રૈયા વિસ્તારમાં વિસ્તારમાં આરએસસીડીએલ દ્વારા નવા ત્રણ તળાવ વિકસાવવા અંગે આયોજન કરવામાં આવેલ છે. રાજકોટ શહેરમાં અંદાજીત ૧૦૦ વર્ષથી વધુ સમયગાળા બાદ ગુજરાત રાજ્યના મંત્રી વિજયભાઈ રૂપાણીની આગવી દ્રષ્ટિથી રાજકોટ શહેરને અટલ સરોવર સ્વરૂપે એક નવું તળાવ મળેલ જેનું સુજલામ સુફલામ યોજના અંતર્ગત ફેઈઝ-૧માં અટલ સરોવરને ઉંડા ઉતારવાનું કામ કરવામાં આવેલ. અટલ સરોવર સ્માર્ટ સીટી એરીયા બેઈઝડ ડેવલપમેન્ટ રૈયા વિસ્તારના ઉત્તર પશ્ચિમમાં આવેલું છે. આ સરોવરમાં અંદાજે  ૪૦૦ મિલિયન લીટર વરસાદી પાણીનો સંગ્રહ થયેલ છે.

રાજકોટ સ્માર્ટ સીટી જેવલપમેન્ટલી.અટલ સરોવરને એક આગવી ઓળખ તરફ વિકસાવવામાં આવશે. જેમાં ગાર્ડન, લેન્ડસ્કેપિંગ, બોટોનિકલ ગાર્ડન, બોટોનિકલકલોક, સાઇકલ ટ્રક, પાકિગ એરિયા, વોકવે, પાર્ટી પ્લોટ, ટોયટ્રેઇન, ફેરિસવ્હીલ, બે એમ્ફીથીયેટર, આઇલેન્ડ, પાર્ટી લોન, ફુડ કોર્ટ, ગ્રામ હાટ,મોન્યુમેન્ટલ ફલેગ, સહિતની સુવિધાઓ ઉપલબ્ધ કરવામાં આવશે.

રાજકોટ મહાનગરપાલિકા સંચાલિક સ્કુલ તેમજ આંગણવાડીનાં બાળકોને એન્ટ્રી ટીકીટ ફ્રી રહેશે તેમજ અટલ લેઇક વિસ્તારમાં અન્ય સુવિધાઓમાં પણ કન્સેશન રહેશે. અટલ લેઇક વિસ્તારમાં ગ્રામહાટ તેમજ અન્ય ઉપયોગ માટે કુલ-૪૨ દુકાનોનું નિર્માણ કરવામાં આવનાર છે. આમ અટલ સરોવર થકી રાજકોટ શહેર તથા આસપાસના વિસ્તારના લોકોને હરવા ફરવા તેમજ મનોરંજન માટે એક નવું સ્થળ મળી રહેશે.

(3:51 pm IST)
  • મહારાષ્ટ્ના મુખ્યમંત્રી પદે શિવ સૈનિકની વરણીના સપનાને સાકાર કરવા મારે ભારતીય જનતા પાર્ટીના સમર્થન કે આશીર્વાદની જરૂર નથી ઉદ્ધવ ઠાકરેની પત્રકાર પરિષદ ચાલુ access_time 6:47 pm IST

  • ૨૦૨૩માં મેન્સ હોકી વર્લ્ડકપ ભારતમાં રમાશે : ૨૦૨૩ માં પુરૂષોની હોકી વર્લ્ડ કપ માટે ભારતની પસંદગી થઈ છે. host country તરીકે મેન્સ હોકી વર્લ્ડકપ માટે ભારતનું નામ જાહેર થયું છે access_time 6:09 pm IST

  • દાવો રદ થવાનો કોઇ અફસોસ નથીઃ નિર્મોહી અખાડા :આજે સુપ્રિમ કોર્ટે અયોધ્યા મામલે ચુકાદા દરમિયાન નિર્મોહી અખાડાનો વિવાદીત જગ્યા અંગેનો માલીકી હકક અંગેનો દાવો રદ કર્યો હતો. નિર્મોહી અખાડાના વરિષ્ઠ સંત મહંત ધર્મદાસજીએ જણાવેલ કે વિવાદીત સ્થળનો અમારો દાવો રદ થતા કોઇ અફસોસ નથી, કેમ કે તે પણ રામલલાનો પક્ષ લઇ રહયો હતો. સુપ્રિમકોર્ટે રામલલાના પક્ષને મજબુત માન્યો છે જેથી નિર્મોહી અખાડાનો હેતુ પુર્ણ થયો છે. access_time 3:25 pm IST