Gujarati News

Gujarati News

News of Friday, 8th November 2019

રૈયાધારમાં યુવાનને મારમારી બાઇક સળગાવી લૂંટ ચલાવનારા ૩ ઝડપાયા

હીતેષ ઉર્ફે લાલો, રવી ઉર્ફે ચીકુ અને અરવિંદ ઉર્ફે ડબરાની ધરપકડ

રાજકોટ તા.૮: રૈયાધારમાં રહેતા દલીત યુવાનને 'તે કેમ મારા વિરૂધ્ધ પોલીસમાં ફરિયાદ કરી છે' કહી ચાર શખ્સોએ ઝઘડો કરી તેને માર મારી બાઇક સળગાવી રૂ.૨૦ હજારની લૂંટ ચલાવવાના બનાવમાં યુનિવર્સિટી પોલીસે ત્રણ શખ્સોને પકડી લીધા છે.

મળતી વિગત મુજબ શહેર પોલીસ કમિશનર મનોજ અગ્રવાલની સૂચનાથી યુનિવર્સિટી પોલીસ મથકના પીઆઇ.આર.એસ.ઠાકરના માર્ગદર્શન હેઠળ પીએસઆઇ એમ.વી.રબારી પીએસઆઇ બી.જી ડાંગર તથા હેડ કોન્સ હરેશભાઇ, રાજેશભાઇ,નાગદાનભાઇ, હરપાલસિંહ,કૃપાલસિંહ, મહિપાલસિંહ, પુષ્પરાજસિંહ, મુકેશભાઇ, નિર્મળસિંહ, બળભદ્રસિંહ, રવિવભાઇ સહિત પેટ્રોલીંગમાં હતા. ત્યારે બાતમીના આધારે રૈયાધાર મફતિયા પરામાં રહેતા હિતેષ ઉર્ફે લાલો લક્ષ્મણભાઇ પારધી, રવી ઉર્ફે ચીકુ ડાયાભાઇ જાદવ અને અરવિંદ ઉર્ફે ડબરો રાજુભાઇ મુછડીયાને પકડી લીધા હતા. જ્યારે ધોધી વજુભાઇ નામના શખ્સની શોધખોળ આદરી છે. પકડાયેલા ત્રણેય શખ્સોએ ગત તા.૧૬/૧૦ના રોજ રૈયાધાર મફતીયાપરામાં રહેતા જીતેન્દ્રભાઇ ઉર્ફે જીતુ જયંતીભાઇ ચૌહાણ (ઉ.વ.૩૧)ને તે કામ મારા, વિરૂધ્ધ પોલીસમાં ફરિયાદ કરી છે કહી ચારેય શખ્સોએ ઝઘડો કરી ઝપાઝપી કરી ઢીકાપાટુનો માર માર્યો હતો અને જીતુભાઇનું બાઇક સળગાવી રૂ.૨૦ હજારની લૂંટ ચલાવી હતી.

(4:00 pm IST)
  • વર્લ્ડ ટી-૨૦માં પોતાનો રોલ સમજીને તેણે વધુ ધ્યાન આપવુ જોઈએ : રિષભ પંતને સલાહ આપતા કુમાર સંગકારાએ કહ્યુ... access_time 1:06 pm IST

  • ઇમરાનખાન રાજીનામુ આપે અથવા ત્રણ મહિનામાં સામાન્ય ચૂંટણી કરાવે : મૌલાનાએ રાખી શરત : મૌલાના ફૈઝલે પંજાબ વિધાનસભાના સ્પીકર ચૌધરી પરવેઝ ઇલાહી મારફત ઇમરાન અને સરકારની સમિતિને મોકલ્યો સંદેશ : મૌલાનાએ કહ્યું કે જો પીએમનું રાજીનામુ સંભવ નથી તો ત્રણ મહિનાની અંદર નવેસરથી સામાન્ય ચૂંટણી કરવો : સરકાર પાસે આ જ બે વિકલ્પ છે જેમાંથી કોઈ એકની પસંદગી કરવી પડશે access_time 1:15 am IST

  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST