Gujarati News

Gujarati News

News of Friday, 8th November 2019

રૈયાધારના રમાબેને આડા સંબંધનો વાંધો ઉઠાવતાં પતિ વિજયએ હાથ ભાંગી નાંખ્યો

અગાઉ ધોકો ફટકારી માથું ફોડી નાંખ્યુ હતું: એક વર્ષથી ત્રાસ હોવાનો આક્ષેપ

રાજકોટ તા. ૮: રૈયાધાર ધરમનગર કવાર્ટરમાં રહેતાં રમાબેન વિજયભાઇ મકવાણા (રજપૂત) (ઉ.૪૨)ને પતિ વિજય બચુભાઇએ ઢીકાપાટુનો માર મારી ધોકો ફટકારતાં ડાબો હાથ ભાંગી જતાં સિવિલ હોસ્પિટલમાં દાખલ થતાં યુનિવર્સિટી પોલીસને જાણ કરવામાં આવી હતી.

રમાબેને જણાવ્યું હતું કે મારે સંતાનમાં એક દિકરો અને એક દિકરી છે. પતિ કારખાનામાં કામ કરે છે. તેને એકાદ વર્ષથી બીજી મહિલા સાથે લફરૂ હોઇ તેની સામે હું વાંધો ઉઠાવતી હોવાથી તે વારંવાર ઝઘડા કરે છે. અગાઉ મારુ માથું ફોડી નાંખ્યું હતું. આ વખતે હાથ ભાંગી નાંખ્યો છે.

પતિને જેની સાથે લફરૂ છેે એ મહિલા પણ પરિણીત હોવાનું રમાબેને જણાવ્યું હતું. પોલીસે વિશેષ તપાસ હાથ ધરી છે.

(1:03 pm IST)
  • મહા ભયંકર રૂપ ધારણ કરેલ બુલબુલ વાવાઝોડુ પશ્ચિમ બંગાળ અને બાંગ્લાદેશને સમુદ્ર કાંઠે થી આજે રાત્રે પસાર થશે. :કાંઠાના વિસ્તાર માંથી સવા લાખ લોકોને સલામત સ્થળે ખસેડવામાંઆવ્યા નું મુખ્યમંત્રી મમતા બેનર્જી એ જણાવ્યું છે. પશ્ચિમ બંગાળના દીઘાથી ૯૦ કિલોમીટર અને ઓડિશાના પારાદીપ થી 140 કિલોમીટર દૂર બંગાળના અખાતમાં વાવાઝોડું ધસમસતુ આવી રહ્યું છે આજે સાંજે છ વાગ્યાથી કલકત્તા એરપોર્ટ પર તમામ કાર્યવાહીઓ થંભાવી દેવામાં આવી છે access_time 6:19 pm IST

  • મનીષા ગોસ્વામીને બાર દિવસની રિમાન્ડ પર સોંપવા કોર્ટનો હુકમ : કચ્છને હચમચાવનાર જયંતી ભાનુશાળી હત્યા કેસના મુખ્ય આરોપી મનીષા ગોસ્વામી અને સુરજીતભાઈને ભચાઉ અદાલતે બાર દિવસના રિમાન્ડ ઉપર પોલીસને સોંપેલ છે. સરકાર પક્ષે ખાસ સરકારી ધારાશાસ્ત્રી તરીકે શ્રી અભયભાઈ ભારદ્વાજ અને શ્રી તુષાર ગોકાણીએ ધારદાર દલીલો કરી હતી. access_time 6:07 pm IST

  • અજમેર દરગાહના દિવાને સુપ્રીમના ફેંસલાનું સ્વાગત કર્યું : અયોધ્યા જમીન વિવાદમાં આવેલા નિર્ણયને રાજસ્થાનના અજમેરમાં આવેલ હજરત ખ્વાઝા મોઇનુદ્દીન હસન ચિશ્તીની દરગાહના દીવાને સ્વાગત કર્યું છે. સાથે જ તેઓએ લોકોને શાંતિ અને સદ્ભાવ બનાવી રાખવાની અપીલ કરી છે. access_time 3:24 pm IST