Gujarati News

Gujarati News

News of Monday, 9th September 2019

ઇજનેર કચેરી અને બેંકના બે પ્યુનના બેભાન હાલતમાં મોત

જોગાનુજોગ બંને ભીલ પરિવારનાઃ સ્વજનોમાં શોક

રાજકોટ તા. ૯: બે અલગ-અલગ બનાવમાં કાર્યપાલક ઇજનેર કચેરીના પ્યુન અને દેનાબેંકના પ્યુનના બેભાન હાલતમાં મોત નિપજ્યા હતાં. જોગાનુજોગ બંને ભીલ પરિવારના હતાં.

મોરબી હાઉસ પાસે કોલસાવાડીમાં રહેતાં અને ઘર નજીક જ આવેલી કાર્યપાલક ઇજનેર કચેરીમાં પ્યુન તરીકે નોકરી કરતાં ગોવિંદભાઇ રવજીભાઇ રાણા (ભીલ) (ઉ.૫૫) ઘરે તાણ આંચકી ઉપડ્યા બાદ બેભાન થઇ જતાં સિવિલમાં ખસેડાયા હતાં. પરંતુ અહિ મોત નિપજ્યું હતું. મૃતક સાત ભાઇ અને ત્રણ બહેનમાં છઠ્ઠા હતાં. સંતાનમાં એક પુત્ર અને એક પુત્રી છે.

બીજા બનાવમાં ભીલવાસ-૪માં રહેતાં અને દેનાબેંકમાં પ્યુન તરીકે નોકરી કરતાં ગોપાલભાઇ ભીખુભાઇ પરમાર (ઉ.૫૩)ને સવારે છાતીમાં દબાણ થતાં સિવિલમાં ખસેડાયા હતાં. પરંતુ અહિ મોત નિપજ્યું હતું. મૃતકને સંતાનમાં એક પુત્ર છે. ત્રણ ભાઇમાં વચેટ હતાં. હોસ્પિટલ ચોકીના જગુભા ઝાલાએ પ્ર.નગરમાં જાણ કરી હતી.

(3:57 pm IST)
  • રાત્રે 10-45 વાગ્યે અમદાવાદ થી લીબડી સુધી હાઇવે પર અતિ ભારે અનરાધાર વરસાદ ચાલુ : access_time 11:01 pm IST

  • સંઘે કર્યું અનામતનું સમર્થન : સમાજમાં આર્થિક અને સામાજીક અસમાનતા છે અને તે વચ્ચે અનામતની પણ જરૂરી છે રાજસ્થાનના પુષ્કરમાં સમન્વય બેઠક બાદ સંઘ દ્વારા આ વાત કહેવાઈ : સહ સરકાર્યવાહ દત્તાત્રેય હોસબોલેએ કહ્યું કે, RSS બંધારણ દ્વારા આપવામાં આવેલા અનામતનું સંપૂર્ણપણે સમર્થન કરે છે access_time 1:01 am IST

  • ગુજરાતના પાટનગર ગાંધીનગરમાં સારો વરસાદ પડ્યો છે. મોડીરાત્રે લખાય છે ત્યારે પણ વરસાદ ચાલુ હોવાનું અમારા ગાંધીનગરના પ્રતિનિધિ અશ્વિન વ્યાસ જણાવે છે. access_time 11:40 pm IST