Gujarati News

Gujarati News

News of Friday, 9th March 2018

રૂ.બે લાખનો ચેક પાછો ફરતા આરોપીને કોર્ટેમાં હાજર થવા હુકમ

રાજકોટ,તા.૯: રૂ. બે લાખના ચેક રીટર્ન કેસમાં આરોપીને કોર્ટમાં હાજર થવા હુકમ કરીને કોર્ટે સમન્સ કાઢેલ છે.

આ કેસની વિગત એવી છે કે, ''જય ગોપાલ ફાઈનાન્સના પ્રોપરાઈટર'' જગદીશભાઈ હરજીભાઈ સીંધવે તેમના મીત્ર અને ઓળખાણનો સંબંધ ધરાવતા હાર્દીકભાઈ પરષોતમભાઈ સોરઠીયાને ત્રણ માસ પુરતા પેઢીના ચેકથી રૂ. ૨,૦૦,૦૦૦/-  અંકે રૂપિયા બે લાખ પુરા આપેલા રીંગ રોડ બ્રાંચ, રાજકોટનો મુળ રકમ તથા વ્યાજ સાથેનો રૂ.૨,૧૦,૫૦૦/- અંકે રૂપિયા બે લાખ દસ હજાર પાંચસો પુરાનો ચેક આપેલો જે ચેક ફરીયાદીએ તેમની પેઢીની બેંક, સૌરાષ્ટ્ર ગ્રામીણ બેંક, મવડી રોડ બ્રાંચ, રાજકોટ માં ડિપોઝીટ કરતા સદરહું ચેક 'સ્ટોપપેમેન્ટ'ના શેરા સાથે પરત ફરેલ હતો.

આમ ફરીયાદીએ ચેક બિન ચુકતે પરત ફરેલ છે. તેથી આ કામના આરોપીને ઉપરોકત ચેકની રકમ ચુકવી આપવાની નોટીસ મોકલાવેલી. આમ છતા આ કામના આરોપીએ કોઈ જવાબ આપેલો નહી. તેથી આ કામના ફરીયાદીએ નેગોશીયેબલ ઈન્ટ્રુમેન્ટએકટની કલમ ૧૩૮ મુજબ ફોજદારી દાખલ કરતા રાજકોટના ચીફ જયુ. મેજીસ્ટ્રેટ આરોપી હાર્દીકભાઈ પરષોતમભાઈ સોરઠીયાને સમન્સ ઈસ્યુ કરી કોર્ટમાં હાજર થવા હુકમ કરેલ છે. આ કામમાં ફરીયાદી વતી એડવોકેટ અતુલ ફળદુ રોકાયા છે.(૩૦.૫)

(2:26 pm IST)
  • જગવિખ્યાત સુફી ગાયક બેલડી વડાલી બ્રધર્સમાં નાના ભાઈ ઉસ્તાદ પ્યારેલાલ વડાલીનું 75 વર્ષની ઉમંરે હાર્ટ એટેકમાં મૃત્યુ થયુ છે. પ્યારેલાલ છેલ્લા કેટલાક સમયથી બીમાર હતા અને ગઈ કાલે તેમને હાર્ટ એટેક આવ્યો હતો. ગઈ કાલે તેમને અમૃતસરની ફોર્ટિસ હોસ્પિટલમાં દાખલ કરવામાં આવ્યા હતાં. ત્યાં આજે સવારે તેમણે અંતિમ શ્વાસ લીધા હતા. પ્યારેલાલ વડાલીના નિધન વિશે તેમના ભત્રીજા લખવિંદર વડાલીએ જાણ કરી હતી. access_time 1:04 pm IST

  • સુરત -જિલ્લા એસ.પી.એ પ્રવીણ તોગડીયાના અકસ્માતમાં મામલે પી.એસ.આઈ. રાજીવ સંધાડા અને બે કોન્સ્ટેબલ જીવન ભાઈ અને કોન્સ્ટેબલ રાજેન્દ્ર સિસોળેને કર્યા સસ્પેન્ડ access_time 9:24 am IST

  • રાજકોટમાં સિલ્વર પાર્ક -4 માં રહેતા પ્રોફેસર રક્ષીત રૈયાણીની બળાત્કારના કેસમાં મહિલા પોલીસ દ્વારા ધરપકડ કરવામાં આવી છે. આરોપી રક્ષીતના ઘરમાં સર્વિસ કોન્ટ્રાક્ટર પર રહેતી છોકરીએ રક્ષીત રૈયાણી પર બળાત્કાર અને મારપીટ કર્યાની ફરિયાદ પોલીસમાં કરી હતી, આ ઉપરાંત રક્ષીતના માતા - પિતાની પણ મદદગારી કરવા બદલ ધરપકડ કરવામાં આવી હતી. આ એજ રક્ષીત રૈયાણી છે જેણે તાજેતરમાજ પોતાની ત્રીજી પત્નીને ઘરમાંથી બહાર તગેડી મૂકી હતી અને એ પત્ની એના ઘરની જ બહાર ધરણા પર બેઠી હતી. access_time 12:55 am IST