Gujarati News

Gujarati News

News of Thursday, 8th March 2018

સબ પ્લોટીંગમાં મુશ્કેલી અંગે અશોક ભીમજીયાણીની રજૂઆત

રાજકોટ સ્થિત અમરેલીવાળા બિલ્ડરે પત્ર લખ્યો

રાજકોટ તા. ૮ :.. બાંધકામ માટેના સબ પ્લોટીંગમાં પડતી મુશ્કેલી અંગે મુળ અમરેલીના હાલ રાજકોટ સ્થિત બિલ્ડર અશોક જે. ભીમજીયાણીએ મુખ્યમંત્રીને પત્ર પાઠવી રજૂઆત કરી છે.

પત્રમાં જણાવેલ છે કે, સરકાર આખા ગુજરાતમાં એક સમાન મકાન બને તેવો કાયદો અને બાંધકામના નિયમોમાં ફેરફાર કરી છૂટછાટ આપી પરંતુ શહેરી વિકાસ ખાતા દ્વારા તે હલ થયો નથી. એમાં સબ પ્લોટીંગમાં માત્ર નવ મીટર પહોળા પ્લોટનું જ સબ પ્લોટીંગ થઇ શકે તેવી જોગવાઇ કરી છે. હકિકતમાં માણસોને મકાન રહેવા માટે જોઇએ છે તો ત્રણ મીટર કે તેથી વધુ જે કોઇ અનુકુળ હોય તે મુજબનું માપનું મકાન લોકો બનાવે છે અને ખરીદે છે.

ખાતા દ્વારા આ બધુ ચલાવી લેવામાં આવે છે. આવા હજારો, લાખો મકાન બની ગયા છે અને બની રહ્યા છે તેને મંજૂરી પણ મળે છે. સરકારી લોન પણ મળે છે.

સબ પ્લોટીંગના નિયમોમાં ઓછામાં ઓછા ત્રણ મીટર મોઢા વાળા પ્લોટમાં બાંધકામ થઇ શકે અને રપ થી ૧૦૦ મીટર ગમે તેટલી નોંધ સીટી સર્વેમાં અને મામલતદારમાં પડી જાય તે માટે તુરંત જ હુકમ જરૂરી છે.

(3:54 pm IST)
  • મહાત્મા ગાંધી દ્વારા હસ્તાક્ષર કરાયેલ એક દુર્લભ ફોટો અમેરિકામાં 41,806 ડોલર એટલે કે 27 લાખ 22 હજાર 615 રૂપિયામાં વેચાણ કરવામાં આવ્યો છે. તસ્વીરમાં ગાંધીજીને મદન મોહન માલવિયા સાથે જોવામાં આવી રહ્યા છે. બોસ્ટન સ્થિત આરઆર ઓકશન મુજબ, આ ફોટો સપ્ટેમ્બર 1931 માં લંડનમાં બીજા રાઉન્ડ ટેબલ કોન્ફરન્સ પછી લેવામાં આવ્યો હતો. આ દુર્લભ ચિત્ર પર, મહાત્મા ગાંધીએ ફાઉન્ટેન પેન દ્વારા 'એમ કે ગાંધી' લખીને પોતાના હસ્તાક્ષર કર્યા છે. access_time 2:53 pm IST

  • સસ્પેન્ડેડ IAS અધિકારી પ્રદિપ શર્માની અટકાયતઃ સાબરમતી જેલની બહાર આવતાની સાથે જ અટકાયત : હાઈકોર્ટે હજુ ગઈકાલે જ જામીન આપ્યા હતા : વિદેશમાં હવાલા દ્વારા નાણા મોકલવામાં આવ્યાનો કેસ ચાલી રહ્યો છે access_time 3:49 pm IST

  • પાકિસ્તાનને અમેરિકાનો વધુ એક ઝટકો : 3 આતંકવાદીઓ પર જાહેર કર્યા 70 કરોડના ઈનામ : મુલ્લા ફઝલુલ્લાહ પર 5 મિલિયન ડૉલર (લગભગ 32 કરોડ રૂપિયા) અને બાકીના બંને અબ્દુલ વલી અને મનાલ વાઘ પર ત્રણ-ત્રણ મિલિયન ડોલર (એટલે કે 19-19 કરોડ)નું ઈનામ રાખવામાં આવ્યું છે. access_time 1:16 pm IST