Gujarati News

Gujarati News

News of Wednesday, 8th January 2020

પાંજરાપોળ સામે થોરાળા પોલીસનો દરોડોઃ ૩૦૦ બોટલ દારૂ સાથે કાર જપ્ત

આરોપી હાથ ન આવ્યો : કાર નંબરને આધારે શોધખોળ

રાજકોટ તા ૮  : શહેરના પાંજરાપોળ સામે ભરવાડ વાડી શેરીમાં થોરાળા પોલીસે બાતમીના આધારે દરોડો પાડી ઇકો કારમાંથી દારૂની ૩૦૦ બોટલી કબજે કર્યો હતો.

શહેર પોલીસ કમિશનર મનોજ અગ્રવાલ તથા જેસીપી ખુરશીદ અહેમદ, ડી.સી.પી. રવી મોહન સૈની તથા એસીપી જયદીપસિંહ સરવૈયાની સુચનાથી થોરાળા પોલીસ મથકના પી.આઇ. જી.એમ. હડીયાના માર્ગદર્શન હેઠળ હેડ કોન્સ. ભુપતભાઇ વાસાણી, આનંદભાઇ પરમાર, કનુભાઇઘેડ, વિજયભાઇ મેતા, રોહીતભાઇ કછોટ, નરસંગભાઇ ગઢવી, સહદેવસિંહ જાડેજા તથા દિપકભાઇ ડાંગર સહિત પેટ્રોલીંગમાં હતા ત્યારે કોન્સ. રોહીતભાઇને મળેલી બાતમીના આધારે પાંજરાપોળ સામે ભરવાડી શેરીમાં દરોડો પાડતા ત્યાં એક જીજે-૩-જેઆર-૩૯૪૬ નંબરની ઇકો કાર ઉભી હોઇ, તેમાં તપાસ કરતા રૂા૧.૨૦ લાખની કિંમતની દારૂની ૩૦૦ બોટલ મળી આવી હતી. પોલીસે દારૂનો જથ્થો અને ઇકો કાર મળી રૂા ૩,૬૫,૦૦૦/- નો મુદ્દામાલ કબજે કરી કાર ચાલકની શોધખોળ હાથ ધરી છે.

(4:29 pm IST)
  • મુંબઈના વિશ્વવિખ્યાત શ્રી સિધ્ધી વિનાયક ગણપતિ મંદિર ટ્રસ્ટએ, પુલવામામાં શહીદ થયેલા ૪૦ જવાનોના પરિવાર માટે રૂ. ૫૧ લાખની રકમ મહારાષ્ટ્રના મુખ્યમંત્રી ઉદ્ધવ ઠાકરે ને એક સમારોહમાં અર્પણ કરી હતી અને એક ઉત્કૃષ્ટ ઉદાહરણ બેસાડ્યું હતું. access_time 10:31 pm IST

  • વિદ્યાર્થીઓના સમર્થનમાં જેએનયુ પહોંચેલી દીપિકા પાદુકોણને લઈને કન્હૈયાકુમારે કહ્યું સારું થયું તે આવી પરંતુ મેં જોઈ નથી અને તેણી સાથે વાત કરી શક્યો નથી : મારી તેની સાથે મુલાકાત થઇ નથી: તે જેએનયુ છાત્રસંઘની અધ્યક્ષ આઈસી ઘોષને મળી access_time 1:24 am IST

  • ભારતીય અને બેઇજિંગ દૂતાવાસએ ભારતના બધા નાગરિકો (વ્યક્તિગત / જૂથ)ને, ભારત અને ચાઇના વચ્ચેના રાજદ્વારી સંબંધોની 70 મી વર્ષગાંઠની ઉજવણી માટે લોગો ડિઝાઇન કરવા માટે જાહેર આમંત્રણ પાઠવ્યું છે. લોકોએ પોતાના ડીઝાઇન કરેલા લોગોની એન્ટ્રી press.beijing@mea.gov.in ઈમેઈલ પર તા. 20-01-2020 સુધીમાં પોતાના નામ, ઉમર, સંપૂર્ણ કોન્ટેક્ટ વિગત અને પોતે બનાવેલ લોગો ડીઝાઇનની ટૂંક વિગત સાથે મોકલવાની રહેશે તેમ એક યાદીમાં જણાવાયું છે. access_time 7:29 pm IST