Gujarati News

Gujarati News

News of Saturday, 7th July 2018

એન.એચ.બી. અને સૌરાષ્ટ્ર ગ્રામીણ બેંક દ્વારા 'રૂરલ હાઉસીંગ ફાઇનાન્સ અને પ્રધાન મંત્રી આવાસ યોજના-ક્રેડીટ લિન્કડ સબસીડી સ્કીમ' વિષે સેમીનાર

રાજકોટ : રાષ્ટ્રીય આવાસ બેંક (એન. એચ. બી.) તથા સૌરાષ્ટ્ર ગ્રામીણ બેંકના સયુંકત ઉપક્રમે પ્રધાન મંત્રી આવાસ યોજના તથા રૂરલ હાઉસીંગ ફાઇનાન્સના બહોળા પ્રચાર તથા સ્કીમના અમલીકરણ માટે બેંકના ઓફીસરો માટે એક દિવસીય સેમીનારનું આયોજન કરવામાં આવ્યું હતું. આ સેમિનારમાં એન. એચ. બી. ના જનરલ મેનેજર શ્રી કે. ચક્રવર્તી, રીજીયોનલ મેનેજરશ્રી સુભાષભાઇ, સૌરાષ્ટ્ર ગ્રામીણ બેંકના ચેરમેનશ્રી મનોજકુમાર કલમઠેકર, જનરલ મેનેજર શ્રી આઇ. કે. ગોહીલ અને શ્રી ડી. પી. ચંદારાણા, એચ. ડી. એફ. સી. બેંકના જોઇન્ટ જનરલ મેનેજર શ્રી શાલીન દેસાઇ, રાજકોટ મ્યુનિસીપલ કોર્પોરેશનના શ્રી ભાવિક ગઢડા ઉપસ્થિત રહ્યા હતાં. સેમિનારમાં સરકારશ્રીની શહેરી અને ગ્રામીણ વિસ્તાર માટેની પ્રધાન મંત્રી આવાસ યોજના અંગે ઉપસ્થિત ઓફીસરોને જાણકારી આપવામાં આવી હતી. એન. એચ. બી.ના જનરલ મેેનેજર કે. ચક્રવર્તીએ સૌરાષ્ટ્ર ગ્રામીણ બેંક દ્વારા છેવાડાના માનવીને પુરી પડાતી બેન્કીંગ સેવાને બિરદાવેલ હતી.

(4:30 pm IST)
  • રાજકોટમાં ગુજરીબજારમાં થયેલ લૂંટ નર્યું નાટક:મહિલાને પૈસાની જરૂર હોય કોલકાતાથી આવેલ કાકાના પૈસા બોયફ્રેન્ડને પહોંચાડવા માટે પૂર્વયોજિત રીતે કારસ્તાન ઘડ્યું હતું : છરીના છરકા લૂંટારૃઓએ લૂંટ કર્યાનું નાટક ખુલ્યું :ફરિયાદી યુવતીએ જાતે જ બ્લેડના છરકા કરીને પોતાને ઇજા પહોચાડેલ ;પ્રાથમિક દ્રષ્ટિએ જ શંકસ્સ્પદ લાગતી ફરિયાદમાં દૂધનું દૂધ અને પાણીનું પાણી કરતી એ ડિવિઝન, ક્રાઇમ બ્રાન્ચ અને પોલિસ કમિશનર અનુપમસિંહ ગેહલોટ access_time 11:25 pm IST

  • મોરબીમાં ઝીકાયો એકાંતરા પાણીકાપ : શહેરની જીવાદોરી સમાન મચ્છુ ૨ ડેમમાં પાણી થયું તળિયાજાટક : શહેરીજનોમાં ફેલાયું ઘેરી ચિંતાનું મોજું access_time 9:16 pm IST

  • તેલંગાણાનો 24 વર્ષીય વિદ્યાર્થીનું અમેરિકાની એક રેસ્ટોરન્ટમાં થયેલા ગોળીબારમાં શુક્રવારે મોત નિપજ્યું હતું. વારંગલનો રહેવાસી વિદ્યાર્થી શરત કપ્પૂ અહીંની મિસૂરી યૂનિવર્સિટીમાં અભ્યાસ કરતો હતો. રિપોર્ટ અનુસાર કંસાસ પોલીસને શુક્રવારે સાંજે 7 વાગ્યે એક રેસ્ટોર્ટમાં ગોળીબારની માહિતી મળી હતી. ત્યાર બાદ પોલીસ ઘટના સ્થળે પહોંચી હતી. પોલીસને ઘટના સ્થળેથી લોહીમાં લથપથ શરદનો મૃતદેહ પુલમાંથી મળી આવ્યો હતો. access_time 1:19 am IST