Gujarati News

Gujarati News

News of Tuesday, 5th June 2018

નરોત્તમભાઇ અને પડોશી જયંતિભાઇને સાગરે માર મારી ખૂનની ધમકી દીધી

જુના મોરબી રોડ આર. કે. ડ્રીમલેન્ડ એપાર્ટમેન્ટમાં બઘડાટી : સાગર ચાવીથી કારમાં લીટા કરતાં પકડાઇ જતાં ઠપકો આપતાં ઉશ્કેરાઇ ગયો

રાજકોટ તા. ૫: જુના મોરબી રોડ પર  આર. કે. ડ્રીમલેન્ડ એપાર્ટમેન્ટમાં રહેતાં લોહાણા વેપારીની કારમાં આ એપાર્ટમેન્ટમાં જ રહેતાં લોહાણા શખ્સે ચાવીથી લીટા પાડતાં તેને બીજા પાડોશી ભાનુશાળી યુવાને જાણ કરતાં આ શખ્સને ઠપકો આપતાં તેણે બંનેને ઢીકા-પાટુનો માર મારી છરીના ઘોદા મારી દેવાની ધમકી આપતાં ફરિયાદ થઇ છે.

બનાવ અંગે બી-ડિવીઝન પોલીસે આર. કે. ડ્રીમલેન્ડ બ્લોક નં. સી-૨૦૩માં રહેતાં બારદાનના વેપારી નરોત્તમભાઇ મંગલદાસ ગણાત્રા (ઉ.૪૭)ની ફરિયાદ પરથી આ એપાર્ટમેન્ટમાં જ બ્લોક નં. ૧૦૪માં રહેતાં સાગર રોહિતભાઇ કાછેલા સામે ગુનો નોંધ્યો છે. સાગરે નરોત્તમભાઇની પાર્કિંગમાં રખાયેલી કારમાં સ્કૂટરની ચાવીથી લીટા કરતાં તેને બીજા પડોશી જયંતિભાઇ ભાનુશાળીના પત્નિ લત્તાબેન જોઇ ગયા હતાં. આ બાબતે જયંતિભાઇએ નરોત્તમભાઇને જાણ કરતાં તેણે સાગરને ઠપકો આપતાં તે ઉશ્કેરાઇ ગયો હતો અને નરોત્તમભાઇ તથા જયંતિભાઇ બંનેને ઢીકા-પાટુનો માર મારી છરીના ઘા મારી પતાવી દેવાની ધમકી આપી હતી. એએસઆઇ કે. યુ. વાળાએ વધુ તપાસ હાથ ધરી છે. (૧૪.૫)

(12:44 pm IST)
  • રાજકોટ ડાંગર કોલેજમાં બોગસ ડિગ્રીનો મામલો :જિલ્લા ભાજપ મહામંત્રી ભાનુ મહેતાની એસઓજીએ પૂછપરછ કરી :જિલ્લા ભાજપ કાર્યાલયથી ભાજપના અગ્રણી નેતાની અટકાયત :ડાંગર કોલેજના ટ્રસ્ટના પ્રમુખ છે ભાનુ મહેતા access_time 12:40 am IST

  • ટેકનીકલ કારણોસર અમદાવાદ, ભાવનગર, સુરત ફલાઈટ એક સપ્તાહથી બંધ : ટેકનીકલ કારણોસર અમદાવાદ, ભાવનગર, સુરત વચ્ચેની ફલાઈટ એક અઠવાડીયાથી બંધ છે. એર ઓડીસા દ્વારા ફલાઈટ પુનઃ શરૃ કરવામા આવે તે માટે ભાવનગર ચેમ્બર્સ ઓફ કોમર્સ દ્વારા શિક્ષણ મંત્રીને રજૂઆત કરવામાં આવી છે. આ ફલાઈટમાં ભાવનગરથી સુરતનું વિમાની ભાડુ ૨૦૦૦ રૂ. રાખવામાં આવેલ પરંતુ હવે આ ભાડુ વધારીને ૩૦૦૦ કરવામાં આવ્યુ છે access_time 4:52 pm IST

  • મુંબઈમાં મુશળધાર વરસાદ: બદલાપૂર, ડોમ્બિવલી, વિક્રોલીમાં પવન સાથે વરસાદ તૂટી પડ્યો: કેટલાય સ્થળોએ લાઇટો ગૂલ :મુંબઈના મલબારહીલ વિસ્તારમાં ધોધમાર વરસાદ :રસ્તાઓમાં પાણી ભરાયા :કેટલાય જગ્યાએ વાહનચાલકો ફસાયા access_time 12:33 am IST