Gujarati News

Gujarati News

News of Friday, 5th March 2021

કાલે અને સોમવારે પાંચ વોર્ડમાં પાણીકાપ

વોર્ડ નં. ર, ૭, ૮, ૧૦ અને ૧૧ ના અડધા વિસ્તારોમાં અસરઃ ન્યારી ફિલ્ટર અને સોજીત્રાનગર પાણીનાં ટાંકાની સફાઇના બહાના તળે પાછલા બારણે પાણી કાપ ઝિંકતુ તંત્ર

રાજકોટ તા. પ :.. શહેરમાં પાણીકાપ હવે ભૂતકાળ બન્યો છે તેવા બણગા ફુંકનાર તંત્ર વાહકોએ હવે ઉનાળામાં વિવિધ બહાનાઓ તળે પાણીકાપ ઝીંકવાનું શરૂ કરી દીધુ છે. કાલે અને સોમવારે શહેર પાંચ વોર્ડનાં અર્ધા વિસ્તારોમાં પાણીનાં ટાંકાની સફાઇ માટે પાણી વિતરણ બંધ રાખવાની જાહેરાત મ.ન.પા.નાં વોટર વર્કસ વિભાગે કરી છે.આ અંગે સત્તાવાર યાદીમાં જણાવાયું છે કે રાજકોટ મહાનગરપાલિકાનાં વોટરવર્કસ હસ્તકના ન્યારી ફિલ્ટર પ્લાન્ટ પર કાલે તા. ૦૬ ના રોજ તથા તા. ૮ ને સોમવારે પાણીનાં ટાંકાઓની સફાઇની કામગીરી કરવાની હોય, ન્યારી ફિલ્ટર પ્લાન્ટ તથા સોજીત્રાનગર પમ્પીંગ સ્ટેશન આધારિત વોર્ડ નં. ર(પાર્ટ), ૭ (પાર્ટ), ૮ (પાર્ટ), ૧૧ (પાર્ટ) ના વિસ્તારોમાં તા. ૦૬-૦૩-ર૦ર૧ તથા ૦૮-૦૩-ર૦ર૧ ના રોજ પાણી વિતરણ બંધ રહેશે. જેની જાહેર જનતાએ નોંધ લેવી. 

(3:58 pm IST)
  • કોંગ્રેસના સ્ટાર પ્રચારકની ભૂમિકામાં આવી પ્રિયંકા : દાદી ઈન્દિરા ગાંધી લોકો સાથે હળીમળી જવામાં માહિર : અસમથી પાંચ રાજ્યોના વિધાનસભાની ચૂંટણી પ્રચારની શરૂઆત કરી : અન્ય રાજ્યોમાં તેમનો કાર્યક્રમ પણ ઘડાઈ છે : કોંગ્રેસના નબળા સમયે અને સતત પાર્ટીના ધોવાણ થતા સાથે કાર્યકરોની પણ નારાજગી વખતે પણ પ્રિયંકામાં જોમ જુસ્સો યથાવત :મુશ્કેલીના સમયે પાર્ટીની ઢાલ બની ઉંભરતી પ્રિયંકાની ખાસિયતમાં દેખાય છે ઇન્દિરા ગાંધીજીની ઝલક access_time 12:32 am IST

  • હેરંબા ઇન્ડ.નું બમ્પર લીસ્ટીંગ : ૧ લોટ પર રૂ. ૬ર૮૦નો ફાયદો :મુંબઇ : કેમીકલ કંપની હેરંબા ઇન્ડ. નું બમ્પર લીસ્ટીંગ : ઇસ્યુ પ્રાઇઝના ૪૩.પ૯ ટકા પ્રીમીયમે લીસ્ટીંગ : શેર ૯૦૦ ના ભાવે લીસ્ટ થયો : નિવેશકોને પ્રતિ લોટ રૂ. ૬ર૭૯ નો ફાયદો : ઇસ્યુ પ્રાઇઝ ૬ર૬-૬ર૭ રૂ. હતી. access_time 12:55 pm IST

  • દેશમાં કોરોનાના કેસ ઝડપથી વધ્યા : નવા કેસ કરતા રિકવર થનારની ઘટતી સંખ્યા : એકિટવ કેસમાં પણ વધારો : રાત્રે ૧૨ વાગ્યા સુધીમાં કોરોનાના નવા ૧૬,૮૨૪ કેસ નોંધાયા : કુલ કેસની સંખ્યા ૧,૧૧,૭૩,૫૭૨ થઇ : એકિટવ કેસ ૧,૭૩,૩૬૪ થયા વધુ ૧૩,૭૮૮ દર્દીઓ સ્વસ્થ થતાં કુલ ૧,૦૮,૩૮,૦૨૧ થયા : વધુ ૧૧૩ લોકોના મોત સાથે કુલ મૃત્યુઆંક ૧,૫૭,૫૮૪ થયા : દેશમાં સૌથી વધુ મહારાષ્ટ્રમાં નવા ૮૯૯૮ નવા કેસ નોંધાયા access_time 2:33 pm IST