Gujarati News

રાજકોટઃ યુનિવર્સિટી રોડ પર રવિ પાર્કની બાજુમાં રોટ્સ એવન્યુ-ઇ-૨૦૨માં રહેતાં મીનાબેન જગદીશભાઇ કામાણી (ઉ.વ.૬૫) સાથે રૂ. ૩૪,૨૦,૦૦૦ની છેતરપીંડી થતાં મામલો પોલીસ સુધી પહોંચ્યો છે.

યુનિવર્સિટી પોલીસે આ બારામાં રિતેશ માવાણી, બિજ પોઇન્ટ માર્કેટીંગના પંકિતા મહેતા અને કાફે હેઝ ટેગ સામે આઇપીસી ૪૦૬, ૪૨૦, ૧૨૦-બી મુજબ ગુનો નોંધ્યો છે. છેલ્લા ત્રણ વર્ષના ગાળામાં આ બધાએ કાવતરૂ રચી મીનાબેનને વિશ્વાસમાં લઇ બેંક એકાઉન્ટના અલગ-અલગ ચેકોમાં સહીઓ કરાવી લઇ રૂ. ૨૯,૨૦,૦૦૦ ઉપાડી લઇ રિતેશે બીજા આરોપીઓના એકાઉન્ટમાંજમા કરાવી લીધા હતાં. તેમજ રૂ. ૫ લાખ આરટીજીએસથી ટ્રાન્સફર કરાવી લઇ કુલરૂ. ૩૪,૨૦,૦૦૦ની ઠગાઇ કરી હોવાનો આરોપ ફરિયાદમાં મુકાયો છે. પી.આઇ. આર. એસ. ઠાકરની રાહબરીમાં પીએસઆઇ એમ. વી. રબારી અને સ્ટાફે તપાસ શરૂ કરી છે.