Gujarati News

રાજકોટ : અઠવાડીયાના વિરામ બાદ સોની બજાર આજે ખુલી ગઈ છે ત્યારે રાજકોટના અને રાજયસભાના સાંસદ શ્રી અભયભાઈ ભારદ્વાજ સવારના પ્હોરમાં લોકસેવકની ફરજ નિભાવવા સેનેટાઈઝર પંપ સાથે સોની બજારમાં નીકળી પડ્યા હતા. સોની બજારમાં સંખ્યાબંધ દુકાનોને પંપ વડે સેનેટાઈઝ કરી એક નોખુ - અનોખુ લોકસેવાનું ઉદાહરણ પૂરૂ પાડ્યુ હતું. તેમની સાથે ભાજપના અગ્રણી ભાઈ - બહેનો જોડાયા હતા. તસ્વીરમાં અભયભાઈના લોકસેવાના કાર્યને આનંદાશ્ચર્યથી નિહાળી રહેલ સોની બજારના શોરૂમ - દુકાનોના માલિકો - કર્મચારીઓ, રૂપાબેન શીલુ સહિતના અગ્રણીઓ નજરે પડે છે. (તસ્વીરઃ સંદિપ બગથરીયા)