Gujarati News

રાજકોટ તા. રઃ શહેરનાં મુંજકા વિસ્તારમાં રૂડા દ્વારા બનાવાયેલ આવાસ યોજનાનાં કવાર્ટરો ર૦૧૯થી તૈયાર હોવા છતાં લાભાર્થીઓને નહીં આપવામાં આવતાં આ બાબતે લાભાર્થીઓએ આજે રૂડાનાં સી.ઇ.ઓ.ને આવેદનપત્ર પાઠવી વહેલી તકે કવાર્ટરો ફાળવવા માંગ ઉઠાવી હતી.

આવેદનમાં જણાવાયું હતું કે ર૦૧૯માં આ કવાર્ટરોમાં ડ્રો થયેલ ત્યારબાદ અવાર-નવાર કવાર્ટરો ફાળવવા રજુઆત થયેલ છતાં ર૦ર૧ સુધી કવાર્ટરો નથી અપાયા ત્યારે આ બાબતે તાત્કાલીક યોગ્ય કરવા માંગ છે જેથી ગરીબ લોકોને ભાડાનાં મકાનની મુશ્કેલી દુર થાય.

આ રજુઆતમાં આશિષ વાઘેલા, અલ્પેશ નિમાવત, નિલેશ મહેતા સહીત ૩૦ થી વધુ લાભાર્થીઓ જોડાયા હતાં.