Gujarati News

Gujarati News

News of Tuesday, 2nd March 2021

ગોકુલધામ ત્રણ માળીયામાં વિજયએ દાઢની દવા માંગતા પત્નિએ બીજી દવા પાઇ દીધી!

વિજયએ ચાર વર્ષ પહેલા શિતલ સાથે બીજુ ઘર કર્યુ'તું: શિતલના પણ બીજા લગ્નઃ દવા પીવડાવી પુત્રીને લઇ ભાગી ગઇઃ બીજા કોઇ સાથે લફરૂ હોવાનો આક્ષેપ

રાજકોટ તા. ૨: ગોકુલધામ ત્રણ માળીયા કવાર્ટરમાં રહેતાં વિજયભાઇ બાલકદાસ દાણીધારીયા (ઉ.વ.૩૮)ને તેની પત્નિ શિતલે એક ગંભીર પ્રકારના રોગની દવા પાણીમાં ઓગાળીને પીવડાવી દેતાં તેને ઉલ્ટીઓ થવા માંડતા અને તબિયત બગડતાં સિવિલ હોસ્પિટલમાં દાખલ કરવામાં આવ્યો હતો.

આ અંગે હોસ્પિટલ ચોકીના વાલજીભાઇ નિનામાએ માલવીયાનગર પોલીસને જાણ કરી હતી. વિજયભાઇ બે ભાઇ અને એક બહેનમાં નાનો છે અને ડ્રાઇવીંગ કરે છે. તેના સગાના કહેવા મુજબ વિજયભાઇને આગલા ઘરનો એક પુત્ર છે. તેણે ચારેક વર્ષ પહેલા શિતલ નામની યુવતિ સાથે બીજુ ઘર કર્યુ હતું. તેણીના પણ આ બીજા લગ્ન હતાં અને તેણીને આગલા ઘરની એક પુત્રી છે.

સાંજે વિજયભાઇને દાઢનો દુઃખાવો ઉપડતાં પત્નિ પાસે દવા માંગતા તેણીએ દાઢની દવાને બદલે વિજયભાઇની બીજા ગંભીર રોગની દવા ચાલુ હોઇ તે વધુ પડતી પાણીમાં ઓગાળીને પાઇ દેતાં તેની તબિયત બગડી હતી. એ પછી તેણી ઘરેથી નીકળી ગઇ હતી. તેને બીજા કોઇ સાથે લફરૂ હોવાથી આમ કર્યાનો આક્ષેપ કરવામાં આવતાં પોલીસે તપાસ હાથ ધરી છે.

(10:44 am IST)
  • કોરોના વેક્સિનના બે ડોઝ વચ્ચે દારૂ પીવાનું માંડી વાળજો: ડો.રણદીપ ગુલરીયા: એઇમ્સના વડા ડો. રણદીપ ગુલરીયાએ કહ્યું છે કે કોરોના વેક્સિનના બે ડોઝ વચ્ચેના સમયગાળા દરમિયાન આલ્કોહોલ લેવાનું માંડી વાળવું હિતાવહ છે. આલ્કોહોલ ન લેવો જોઈએ. એટલીસ્ટ આ બે ડોઝ વચ્ચેના સમયગાળામાં વધુ પડતું ડ્રિન્ક લેવું હિતાવહ નથી જ. ન્યૂઝફર્સ્ટ access_time 10:28 pm IST

  • વ્રજેશકુમાર મહોદયને કોરોના વળગ્યો : 'વીવાયઓ' ગ્રુપના વૈષ્ણવાચાર્ય વ્રજરાજકુમારજી મહારાજશ્રીને કોરોના પોઝીટીવ આવેલ છે. વડોદરા ખાતે હોમ કવોરન્ટાઈન થયાનું જાણવા મળે છે. access_time 12:33 pm IST

  • દેશમાં રસીકરણ અભિયાને ઝડપ પકડી : અત્યાર સુધીમાં 1.54 કરોડ લોકોએ રસી લીધી : પીએમ મોદીની અપીલની દેખાઈ અસર :છેલ્લા બે દિવસમાં રસીકરણ માટે અંદાજે 50 લાખથી વધુ લોકોએ રજીસ્ટ્રેશન કરાવ્યું access_time 12:57 am IST