Gujarati News

Gujarati News

News of Friday, 1st June 2018

વરસાદી પાણી ભરાયેલા રહેતા હોય તેવા ૯ સ્થળોએ જળસંચય માટે બોર યોજનાનો સર્વે

સોરઠીયાવાડી ચોક, જલજીત હોલ પાસે, પરાબજાર સહિતના સ્થળોએ 'ઈકલી' સંસ્થાના આર્થિક સહયોગથી બોર બનાવી વરસાદી પાણી ભૂ-તળમાં ઉતારાશેઃ મેયરની જાહેરાત

રાજકોટ, તા. ૧ :. આગામી ચોમાસા દરમિયાન વરસાદી પાણી ભરાઈ રહે છે તેવા પાંચ જેટલા સ્થળોએ જમીનમાં બોર કરી અને આવુ વરસાદી પાણી જમીનમાં ઉતારી જળસંચય દ્વારા ભૂ-તળનું જળસ્તર ઉંચુ લાવવાની યોજના ટૂંક સમયમાં સાકાર થશે તેમ મેયર ડો. જૈમન ઉપાધ્યાયે જાહેર કર્યુ હતું.આ અંગે ડો. ઉપાધ્યાયે વિસ્તૃત માહિતી આપતા જણાવ્યુ હતુ કે 'ઈકલી' સંસ્થા અને સ્વિસ એજન્સી, એનર્જી ડેવલોપમેન્ટના કેપેસીટી પ્રોજેકટ હેઠળ વોટર હાર્વેસ્ટીંગ માટે રાજકોટ કોર્પોરેશનને રૂ. ૨૫ લાખનું આર્થિક અનુદાન આપવામાં આવી રહ્યુ છે. જે અંતર્ગત સોરઠીયાવાડી સર્કલ, જલજીત હોલ, નંદા હોલ, સુભાષ ચોક, પરાબજાર, ગુરૂજીનગર, રાહીલનગર, એવરેસ્ટ પાર્ક, મોટામવા વિસ્તાર સહિત ૯ સ્થળોએ કે જ્યાં કાયમી ધોરણે વરસાદી પાણી ભરાવાની સમસ્યા છે ત્યાં ૧૦ - ૧૦ ફુટ ઉંડા બોર બનાવી તેમા વૈજ્ઞાનિક ઢબે વરસાદી પાણીને જમીનમાં ઉતારી ભૂ-તળનું જળસ્તર ઉંચુ લાવવાની અનેરી જળસંચય યોજના સાકાર થશે. આ માટે આજે ઈકલીના અધિકારી રામા મોહન (હૈદરાબાદ) સહિતના નિષ્ણાંતોની ટીમ રાજકોટની મુલાકાતે આવી હતી. આ ટીમે ઉપરોકત સ્થળે મુલાકાત લઈ બોર યોજનાની શકયતાઓ ચકાસી હતી. હવે સેટેલાઈટ સર્વે મારફત ઉપરોકત વિસ્તારમાં જળસંચય માટે કેટલા બોર કયા - કયા સ્થળે કરવા તેનો નિર્ણય લેવાશે તેમ મેયરશ્રીએ જાહેર કર્યુ હતું.

(4:59 pm IST)
  • અમેરિકાની ચેતવણી છતાં રશિયા પાસેથી હથિયારો ખરીદશે ભારત ;રક્ષા મંત્રલાય રશિયા પાસેથી 40,000 કરોડમાં મિસાઈલ ડિફેન્સ સિસ્ટમ એસ-400ની પાંચ યુનિટ ખરીદવાનો પ્રસ્તાવ સુરક્ષા મામલાની કેબિનેટ કમિટી સમક્ષ મુકશે access_time 1:18 am IST

  • દેશમાં ફોરેન્સિક પ્રયોગશાળાના અભાવે દરવર્ષે 13,000 બળાત્કારના કેસની તપાસ થઇ શકતી નથી : મહિલા અને બાલ કલ્યાણમંત્રી મેનકા ગાંધીએ કહ્યું કે અપરાધની તપાસમાં સૌથી નબળું પાસું ફોરેન્સિક છે અને દેશની મુખ્ય ફોરેન્સિક પ્રયોગશાળામાં વર્ષે 160થી ઓછા મામલાની તપાસ થાય છે access_time 1:18 am IST

  • વનડે રેકિંગમાં નેપાળ,નેધરલેન્ડ,સ્કોટલેન્ડ અને યુએઈનો આઇસીસીએ કર્યો સમાવેશ :જોકે આ ટીમોના રેકિંગમાં સામેલ થવાથી ટોચની 12 ટીમોના રેકિંગમાં કોઈ ફેરફાર થયો નથી :નેધરલેન્ડની ગયા વર્ષે જયારે અન્ય ત્રણ ટીમોને આ વર્ષે વનડે રમવાનો દરજ્જો મળ્યો છે access_time 1:06 am IST