Gujarati News

Gujarati News

News of Friday, 1st June 2018

વિર સાવરકર આવાસ કવાર્ટરમાં દલિત યુવાન પર સિકયુરીટી ગાર્ડનો હુમલો

બે દિવસથી ટાકામાં પાણી ચડાવ્યું ન હોઇ ચંદ્રેશ પરમાર કહેવા જતાં માથાકુટ

રાજકોટ તા. ૧: કાલાવડ રોડ પર અવધ પાર્ક પાસે વિર સાવરકરનગર આવાસ યોજના કવાર્ટરમાં રહેતાં અને પ્રાઇવેટ નોકરી કરી ગુજરાન ચલાવતાં ચંદ્રેશભાઇ ડાયાભાઇ પરમાર (ઉ. ૩૪) નામના દલિત યુવાનને આ કવાર્ટરના સિકયુરીટી ગાર્ડ તથા અન્ય શખ્સોએ ધોકા-પાઇપ-ઢીકાપાટુનો માર મારતાં સારવાર માટે સિવિલ હોસ્પિટલમાં દાખલ થતાં યુનિવર્સિટી પોલીસને જાણ કરવામાં આવી હતી.

ચંદ્રેશભાઇના કહેવા મુજબ સિકયુરીટી ગાર્ડ કે જે દરબાર શખ્સ છે તેણે બે દિવસથી ટાઉનશીપના ટાંકામાં પાણી ચડાવ્યું ન હોઇ આજે પોતાના ઘરે મહેમાન આવતાં પોતે તેને પાણી ચડાવવા બાબતે કહેવા જતાં તેણે ઉશ્કેરાઇ જઇ ઝઘડો કરી હુમલો કર્યો હતો અને સાથેના બીજા લોકોએ પણ માર માર્યો હતો. પોતાને જ્ઞાતિ પ્રત્યે હડધુત કરવામાં આવ્યાનો આક્ષેપ પણ ચંદ્રેશભાઇએ કરતાં પોલીસે તેની ફરિયાદ નોંધવા તજવીજ કરી હતી.

મગજ ભમતો હોવાથી ભાવનાબેને ફિનાઇલ પીધું

રૈયાધાર પાણીના ટાંકા પાસે રહેતી ભાવનાબેન ચંદુભાઇ ચાવડા (ઉ.૨૭) નામની મહિલાએ ફિનાઇલ પી લેતાં સારવાર માટે દાખલ કરવામાં આવી છે. તેને સંતાનમાં એક પુત્ર અને એક પુત્રી છે. પતિ કડીયા કામ કરે છે. પોતાનો મગજ ભમતો હોવાથી ફિનાઇલ પી લીધાનું તેણીએ કહ્યું હતું.

(4:57 pm IST)
  • જમ્મુ-કાશ્મીરમાં ફિદાયીન હુમલાની આશંકા :હાઇએલર્ટ જાહેર :ગુપ્તચરની સૂચનામાં આત્મઘાતી હુમલાની ભીતિ બાદ સુરક્ષા એજન્સીઓ એલર્ટ:આતંકીઓ કાશ્મીરમાં ઘૂસવાની ફિરાકમાં :શ્રીનગર અને જમ્મુમાં નાકાબંધી વાહનોની તપાસ અને હોટલ ધર્મશાળામાં ચેકીંગ શરુ :શહેરમાં પ્રવેશતા તમામ રસ્તાઓમાં સતકર્તા વધારાઈ ;સંવેદનશીલ વિસ્તારોમાં ચુસ્ત બંદોબસ્ત ગોઠવાયો access_time 1:06 am IST

  • વિશ્વમાં શાંતિ જાળવી રાખવા ભારતીય સૈનિકોએ સૌથી વધુ બલિદાન આપ્યું :યુનાઇટેડ નેશનના મહાસચિવ એન્ટોનિયા ગુટેરેસે 70માં સ્થાપના દિવસે કહ્યું કે શહીદી વહોરવામાં સૌથી વધુ જવાનો ભારતના છે.: છેલ્લાં 70 વર્ષમાં વિશ્વમાં થયેલા પીસકિપિંગ મિશનમાં ડ્યૂટી દરમિયાન સૌથી વધારે શાંતિદૂત ભારતના જ શહીદ થયા છે. 163 ભારતીયોએ માત્ર માનવતાને ખાતર બલિદાન આપ્યું access_time 1:26 am IST

  • પુણેમાં શરદ પવાર અને નીતિન ગડકરીની ગુપ્ત મીટિંગથી રાજકારણમાં ગરમાવો :પુણેની ફાઈવ સ્ટાર હોટલમાં કેન્દ્રીય મંત્રી ગડકરીએ પત્રકારોને સંબોધિત કરી સરકારની ચાર વર્ષની સિદ્ધિઓ વર્ણવ્યા બાદ બંને દિગ્ગ્જ નેતાઓની હોટલમાં મુલાકાત થઇ :બંનેની પાર્ટીના કોઈપણ નેતાને આ વાતની જાણકારી નથી access_time 1:25 am IST