Gujarati News

Gujarati News

News of Monday, 1st March 2021

રૈયા રોડ પર યુવાનની હત્યાની કોશિષના ગુનામાં પાંચ વર્ષથી ફરાર ભુપેન્દ્ર ઉર્ફે ભુપત પકડાયો

મોબાઇલની દુકાનમાં તોડફોડ અને ફાયરીંગના ગુનામાં ભુપેન્દ્ર બસીયાની સંડોવણી ખુલી'તી

રાજકોટ, તા. ૧ :  રૈયા રોડ પર આમ્રપાલી નજીક મોબાઇલની દુકાનમાં તોડફોડ અને ફાયરીંગ કરી યુવાનની હત્યાની કોશિષના ગુનામાં પાંચ વર્ષથી ફરાર શખ્સને ગાંધીગ્રામ પોલીસે ભેસાણના ગળથ ગામેથી પકડી લીધો હતો.

મળતી વિગત મુજબ શહેરના અલગ-અલગ વિસ્તારમાં નાસતા ફરતા આરોપીઓને પકડી પાડવા માટે પોલીસ કમિશનર શ્રી મનોજ અગ્રવાલે સુચના આપતા ગાંધીગ્રામપોલીસ મથકના પી.આઇ.કે. એ. વાળાના માર્ગદર્શન હેઠળ પીે.એસ.આઇ. જે.જી. રાણા, હેડ કોન્સ. ખેડૂભા, કોન્સ. કિશોરભાઇ, વનરાજભાઇ, દિવ્યરાજસિંહ, દિગ્વીજસિંહ, ગોપાલભાઇ તથા બ્રીજરાજસિંહ ઝાલા સહિત પેટ્રોલીંગમાં હતા ત્યારે હેડ કોન્સ. ખોડુભા જાડેજા અને કિશોરભાઇ ધુધલને મળેલી બતમીના આધારે ભુપેન્દ્ર ઉર્ફે ભુપત ઉફેૃ બાલુ જીલુભાઇ બસીયા (ઉ.વ.૪૦) (રહે. ગળથ ગામ તા. ભેંસાણ) ને ગળથ ગામમાંથી જડપી લીધો હતો. રૈયા રોડ આમ્રપાલી નજીક મોબાઇલની દુકાનમાં તોડફોડ અને ફાયરીંગ કરી યુવાનની હત્યાની કોશિષના ગુનામાં સામેલ ભુપેન્દ્ર ઉર્ફે ભુપન પાંચ વર્ષથી ફરાર હતો.

(4:57 pm IST)
  • જૂનાગઢનો મહાશિવરાત્રીનો મેળો રદ્દ : ૭ માર્ચથી શરૂ થનાર મહાશિવરાત્રીનો મેળો કોરોના સંકટને કારણે કલેકટરે બેઠક યોજી મેળો રદ્દ કરવાનું નક્કી કર્યુ access_time 5:06 pm IST

  • સેન્‍સેકસમાં ૭૦૦ થી વધુ પોઇન્‍ટનો ઉછાળોઃ નીફટી ૧૪૭૦૦ની ઉપર : મુંબઇ : સપ્‍તાહના પ્રારંભે શેરબજારમાં તેજીનું વાવાઝોડુ ફુકાયુ છે. ૧૦ વાગ્‍યે સેન્‍સેકસ ૭ર૪ પોઇન્‍ટ વધીને ૪૯૮ર૪ અને નીફટી ર૧૯ પોઇન્‍ટ વધીને ૧૪૭૪૮ ઉપર ટ્રેડ કરે છે. પાવર ગ્રીડ, અલ્‍ટ્રાટેક, ઓએનજીસી ૪ ટકા જેટલા ઉછળ્‍યા. access_time 11:22 am IST

  • મધ્યપ્રદેશમાં કેટલાય મોટા શહેરોના નામ બદલવાની તૈયારી : યોગીના પગલે મધ્યપ્રદેશની શિવરાજસિંહ ચૌહાણ સરકાર અનેક મોટા શહેરના નામકારણ કરશે જેમાં ભારતીયતાની ઝલક દેખાશે: મુગલ અને અંગ્રેજરાજના પ્રતીક બનેલા શહેરના નામમાં સાંસ્કૃતિક બદલાવની તૈયારી : આ અગાઉ હોશંગાબાદનું નામ બદલી નર્મદાપુરમ કરાયું છે: સરકાર હવે ભોપાલને ભૂ -પાલ ,ગ્વાલિયરને ગોપનચાલ અને જબલપુરની જબાલીપુરમ નામ કરવાની તૈયારીમાં access_time 11:18 pm IST