Gujarati News

રાજકોટ તા.૧: રાજકોટ સ્માર્ટ સીટી અંતર્ગત ડેવલપમેન્ટ હેઠળ કલેકટર તંત્ર દ્વારા સર્વે નં-૨૮૬ની કુલ ૬૦ હેકટર જમીનમાંથી  ૧૬ એકર જમીન અટલ સરોવર માટે - તળાવ ઉંડુ ઉતારવા માટે મહાનગરપાલિકાને સોંપવામાં આવી હતી.

આ પછી કોર્પોરેશન દ્વારા અટલ સરોવરને લાગુ અને લોકોના મનોરંજન - આનંદ પ્રમોદ  મળી રહે તે  હેતુથી બાગ-બગીચા અને આત્મ મનોરંજન  બાબતેો બનાવવા માટે ઉપરોકત સર્વે નંબરની વધુ ૧૨ એકર જમીનની માંગણી કરાઇ  હતી

આ પછી કલેકટરએ પ્રાંત -૧ અને પ્રાંત - ૨ને આ જમીન અંગે તપાસ સોંપી હતી. પરીણામે ડીઆઇએલઆર, રૈયા તલાટી- મહેસુલ ઓફિસર - કોર્પોરેશનના ડે. ઈજનેરની ટીમ સંયુકત રીતે તપાસમાં દોડી ગઇ હતી.

તપાસ દરમ્યાન જે ૧૨ એકર જમીન ની માંગણી કરાઇ છે. તેમાંથી ૨ાા થી ૩ એકર  જમીનમાં બે જેટલા ખેતી વિષયક દબાણો હોવાનુ બહાર આવ્યુ હતુ.

આ પછી કલેકટરને આ દબાણો - પીપીપી યોજના તળે લીટીગેશન સહિતની બાબતો સાથે જમીનનો કબજો સોંપવા અભિપ્રાય કરાયો હતો.

આ પછી કલેકટરે નિર્ણય લઇ અટલ સરોવરની બાજુની ૧૨ એકર જમીનનો કબજો લોકોના આનંદ પ્રમોદ  અને મનોરંજન માટે બાગ-બગીચા વિગેરે હેતુમાંથી પીપીપી યોજના તળે લીટીગેશન તથા ખેતી વિષયક દબાણો મહાનગરપાલીકાએ દૂર કરવાની શરતે કોર્પોરેશનને જમીન સોંપવા પરવાનગી આપતો હુકમ કર્યો છે.