Gujarati News

Gujarati News

News of Sunday, 25th February 2018

ઇન્‍ડિયન અમેરિકન એન્‍જીનીયર સ્‍વ.શ્રીનિવાસ કુચીભોટલાની પ્રથમ પૂણ્‍યતિથિ રર ફેબ્રુ.એ કોમ્‍યુનીટીમાં ફેલાયેલુ ઉદાસીનું મોજુઃ આગામી ૯ માર્ચના રોજ સ્‍વ.કુચીભોટલાની ૩૩મી જન્‍મજંતિએ ‘મેમોરીઅલ પિસ વોક' યોજાશે

કન્‍સાસઃ અમેરિકાના કન્‍સાસમાં રર ફેબ્રુ. ૨૦૧૭ના રોજ હેટ ક્રાઇમનો ભોગ બનેલા ઇન્‍ડિયન અમેરિકન એન્‍જીનીયર શ્રીનિવાસ કુચી ભોટલાના અવસાનને ૧ વર્ષ પુરૂ થયુ છે. આ તકે તમામ કોમ્‍યુનીટી મેમ્‍બર્સમાં ઉદાસીનું મોજુ ફરી વળ્‍યુ છે. તેની હત્‍યાનો આરોપી હજુ સુધી કાયદાકીય લડત આપી રહ્યો હોવાથી ચૂકાદો આવવાનો બાકી છે.

ઉલ્લેખનીય છે કે સ્‍વ.કુચીભોટલા ઉપર નિવૃત આર્મીમેનએ ગોળીબાર કરી વતનમાં પાછા જતા રહેવાનું કહ્યુ હતુ. આ સમયે તેની સાથે રહેલા સહકર્મચારી આલોક માદાસાનીને પણ ઇજા થઇ હતી. તેમજ કુચીભોટલાનો જાન બચાવવા વચ્‍ચે પડેલા ઇઆન ગ્રિલોટ નામક અમેરિકન યુવાનને પણ ગંભીર ઇજા થઇ હતી.

કન્‍સાસમાં વસતા કોમ્‍યુનીટી મેમ્‍બર્સએ આગામી ૯ માર્ચના રોજ સ્‍વ.કુચીભોટલાની ૩૩મી જન્‍મ જયંતિએ મેમોરીઅલ પિસ વોકનું આયોજન કર્યુ છે તથા ૧૨ માર્ચના રોજ ઇન્‍ડિયન અમેરિકન એપ્રિસીએશન ડે ઉજવાશે. તેવું સમાચાર સૂત્રો દ્વારા જાણવા મળે છે.

(9:36 pm IST)
  • કેન્દ્રીય માનવ સંશાધન વિકાસમંત્રી પ્રકાશ જાવડેકરે શાળાના બાળકોને રાહત આપતા જણાવ્યુ છે કે, ૨૦૧૯ના શૈક્ષણિક વર્ષથી એનસીઈઆરટીના અભ્યાસક્રમમાં ૫૦ ટકા સુધીનો ઘટાડો કરવામાં આવશે. તેમણે જણાવ્યુ હતું કે અત્યારે શાળાઓનો અભ્યાસક્રમ બીએ અને બીકોમ કરતા પણ વધુ છે. જેના કારણે વિદ્યાર્થીઓ પર દબાણ સર્જાય છે. જેથી અમે આ અભ્યાસક્રમમાં ૫૦ ટકા સુધીનો ઘટાડો કરીશું, જેથી વિદ્યાર્થીઓને પોતાના સર્વાંગી વિકાસ માટે સમય મળી રહે. access_time 10:47 am IST

  • ગોવાના મુખ્યમંત્રી મનોહર પર્રિકરને ફરી એકવાર ગોવા મેડિકલ કોલેજ હોસ્પિટલમાં ભરતી કરવામાં આવ્યા છે. કહેવામાં આવી રહ્યું છે કે, ડિહાઈડ્રેશન અને બ્લડ પ્રેશરની ફરિયાદને લીધે તેમને હોસ્પિટલમાં દાખલ કરાયા છે. ઉલ્લેખનીય છે કે, તેઓ ગુરુવારે જ મુંબઈથી સારવાર લઈને ગોવા ગયા હતા. access_time 1:15 am IST

  • સાઉથ આફ્રિકા સાથેની ત્રીજી ટી 20 મેચ પછી આઈસીસી ભારતીય ક્રિકેટ ટીમનું સન્માન કરશે. જેમાં આંતરરાષ્ટ્રીય ક્રિકેટ પરિષદ ભારતીય કેપ્ટન વિરાટ કોહલીને આઈસીસી ટેસ્ટ ચેમ્પિયનશિપની ગાદા સોંપશે. આઈસીસીની કટ ઑફ ડેટ 3 એપ્રિલ 2018 સુધી ભારતની ટેસ્ટ રેંકિંગને કોઈ પણ પ્રકારનું જોખમ નથી. access_time 2:02 pm IST