Gujarati News

કેલિફોર્નિયાઃ અમેરિકાના સાન જોસમાં રહેતા ઇન્‍ડિયન અમેરિકન શ્રી ઇન્‍દ્રજીત સિંઘના રહેણાંકની બહાર આવેલી ફેન્‍સીંગને નજીકમાં રહેતા ઘરવિહોણાં લોકોએ સળગાવતા તેઓ તેમના પત્‍ની તથા બાળક સાથે જીવ બચાવી ઘરની બહાર નીકળી ગયા હતા.

સાન જોસમાં મકાનોના ભાડા તથા કિંમતને ધ્‍યાને લઇ શેરીઓમાં રહેતા લોકોની સંખ્‍યામાં ૧૩ ટકા જેટલો વધારો નોંધાયો છે જેના પરિણામે સ્‍થાનિક રહેવાસીઓ માટે મુશ્‍કેલી  સર્જાઇ હોવાનું સમાચાર સૂત્રો દ્વારા જાણવા મળે છે.