Gujarati News

યુ.એસ. : શું તમે ક્યારેય વિચાર્યું છે કે જો પૃથ્વી એક સેકંડ માટે પણ ફરતી બંધ થઈ જાય તો શું થશે? જાણીતા ખગોળશાસ્ત્રી નીલ ડીગ્રાસે ટાયસને થોડા સમય પહેલા ખુલાસો કર્યો હતો કે જો પૃથ્વી એક સેકંડ માટે પણ ફરતી બંધ થાય તો આપણા ગ્રહ પરના તમામ જીવંત જીવો કેવી રીતે મરી જશે. વૈજ્ઞાનિકે કહ્યું હતું કે ગંભીર કાર અકસ્માત દરમિયાન સેફ્ટી બેલ્ટ ન પહેર્યો હોવાના કારણે જે અસર થાય તે આ ઘટનાની સમાન અસરો હોઈ શકે છે.

પૃથ્વી દર 24 કલાકમાં એકવાર લગભગ 1,000 માઇલ પ્રતિ કલાકની ઝડપે ફરે છે પરંતુ આપણે મનુષ્યો અને અન્ય જીવંત પ્રાણીઓ તેની અસરો અનુભવતા નથી કારણ કે આપણે બધા પણ ગ્રહની આસપાસ ફરતા હોઈએ છીએ.

પૃથ્વીની સાથે બધું ફરતું હોવાથી, જો તે અચાનક બંધ થઈ જાય તો તેના પરિણામો ગંભીર હશે. એસ્ટ્રોફિઝિસ્ટ નીલ ડીગ્રાસે ટાયસને 2019 માં ટેલિવિઝન અને રેડિયો વ્યક્તિત્વ લેરી કિંગ સાથેની મુલાકાત દરમિયાન આ વિશે વાત કરી હતી.

તેમણે કહ્યું હતું કે દરેક વ્યક્તિ કદાચ આવી વિનાશક ઘટના દરમિયાન મરી જશે. ટાયસને કહ્યું હતું કે, આ બાબત વિનાશક હશે. તે પૃથ્વી પર દરેકને મારી નાખશે. જે ગંભીર કાર અકસ્માત દરમિયાન સેફ્ટી બેલ્ટ ન પહેર્યો હોવાના કારણે જે અસર થાય તેવી હશે. લોકો બારીઓમાંથી ઉડતા હશે અને તે પૃથ્વી પરનો એકમાત્ર ખરાબ દિવસ હશે .

આ ઉપરાંત, ટાયસને એ પણ સ્પષ્ટતા કરી હતી કે જો પૃથ્વી પર દરેક વ્યક્તિ ગ્રહની સાથે આવી ઘટના દરમિયાન ધીમી ગતિ સિદ્ધ કરે તો કોઈને નુકસાન નહીં થાય. આવા કિસ્સામાં, એકમાત્ર પરિણામ જેનો લોકો સામનો કરશે તે અત્યંત લાંબો દિવસ હશે.. તેવું ડી.એન.એ.દ્વારા જાણવા મળે છે.