Gujarati News

Gujarati News

News of Wednesday, 21st March 2018

યુ.એસ.માં શિકાગો સ્‍થિત ભારતના કોન્‍સ્‍યુલ જનરલ સુશ્રી નિતા ભૂષણે પતિશ્રી અનુરાગ ભૂષણની અમેરિકાની મુલાકાત પ્રસંગે સત્‍કાર સમારંભ યોજયોઃ અગ્રણી કોમ્‍યુનીટી લીડર્સ, વ્‍યાવસાયિકો, સહિત જુદા જુદા ક્ષેત્રોના આગેવાનોએ હાજરી આપી

શિકાગોઃ યુ.એસ.માં શિકાગો સ્‍થિત ભારતના કોન્‍સ્‍યુલ જનરલ સુશ્રી નિતા ભૂષણએ ૧૧ માર્ચ ૨૦૧૮ રવિવારના રોજ ભારત સ્‍થિત તેમના પતિ શ્રી અનુરાગ ભૂષણના અમેરિકા મુલાકાતને અનુલક્ષીને સત્‍કાર સમારંભનું આયોજન કર્યુ હતું. શ્રી અનુરાગ ભૂષણ ભારત સરકારની મિનીસ્‍ટ્રી ઓફ એક્ષટર્નલ અફેર્સમાં જોઇન્‍ટ સેક્રેટરી તરીકે સેવાઓ આપે છે.

સુશ્રી નિતા ભૂષણના નિવાસ સ્‍થાને સાંજે ૬ કલાકે યોજાયેલા આ સત્‍કાર સમારંભમાં જુદા જુદા ક્ષેત્રોના આગેવાનો, અગ્રણી કોમ્‍યુનીટી લીડર્સ, તેમજ વ્‍યાવસાયિકોએ હાજરી આપી હતી.

આ તકે ભૂષણ દંપતિએ સહુનુ સ્‍વાગત કર્યુ હતું. બંને પોતાની ફરજના કારણે જુદા જુદા દેશમાં રહેતા હોવા છતા તેમણે દામ્‍પત્‍ય જીવનને મજબુત પણે ટકાવી રાખ્‍યુ હોવાની પ્રતિતી કરાવી હતી. તેવું શ્રી સુરેશ તથા સુશ્રી ઉષા બોડીવાલાની યાદી દ્વારા જાણવા મળે છે.

(9:56 pm IST)
  • આધાર કેસમાં દલિલો દરમિયાન એટર્ની જનરલ કે. કે. વેણુગોપાલે સુપ્રીમ કોર્ટમાં કહ્યું હતું કે આધાર યોજના હેઠળ એકત્ર થયેલ તમામ ''ડેટા'' સલામત છે ! આ ''ડેટા''ને એવા બિલ્ડીંગમાં રખાયા છે જેની દિવાલો ૧૦ ફૂટ જાડી છે !! : આધાર કેસમાં અદ્ભૂત-લાજવાબ દલિલ! access_time 4:24 pm IST

  • ઇન્ડિયન ઇન્સ્ટિટ્યૂટ ઓફ મેનેજમેન્ટ (આઇઆઇએમ) જેવી પ્રતિષ્ઠિત સંસ્થાઓના હવેથી આધ્યાત્મિકતા અને માનવીય મૂલ્યોનું શિક્ષણ પણ આપવામાં આવશે. જેથી ભવિષ્યના મેનેજર્સ દબાણ વચ્ચે પણ શાંતિનો અનુભવ લઈ શકે. આઇઆઇએમ-અમદાવાદ ખાતે ભવિષ્યના કોર્પોરેટ લીડર્સને ભગવદ્‌ગીતાના પાઠ ભણાવવામાં આવી રહ્યા છે. આઇઆઇએમના પ્રોફેસરે જણાવ્યું કે તેનાથી સ્ટ્રેસમાં ઘટાડો થશે. access_time 2:12 am IST

  • મનમર્જીયા ફિલ્મના ૨ ફોટા સોશ્યલ મીડીયા ઉપર મૂકાયા : અનુરાગ કશ્યપની ફિલ્મ 'મનમર્જીયા'ની અભિનેત્રી તાપસી પન્નુએ ૨ ફોટા સોશિયલ મિડીયા ઉપર શેર કર્યા : એકમાં પોતે વિકી કૌશલના ખભે બેસવાનો આનંદ વ્યકત કરતી તથા બીજામાં અભિષેક પાઘડી પહેરેલો દર્શાવ્યો access_time 3:42 pm IST