News of Thursday, 9th August 2018

યુ.એસ.માં મિચીગન ગવર્નર પદના ડેમોક્રેટ ઉમેદવાર ઇન્‍ડિયન અમેરિકન શ્રી થાનેદારનો પરાજયઃ ૭ ઓગ.ના રોજ યોજાયેલી પ્રાઇમરી ચૂંટણીમાં ૧૭.૭ ટકા મતો મળ્‍યાઃ કોંગ્રેશ્‍નલ ઉમેદવારો શ્રી સુનિલ ગુપ્‍તા તથા શ્રી લોકેશકુમાર પણ પ્રાઇમરી ચૂંટણીમાં પરાજીત થતાં રેસમાંથી બહાર

મિચીગનઃ યુ.એસ.ના મિચિગન,તથા વોશીંગ્‍ટનમાં ૭ ઓગ.૨૦૧૮ના રોજ યોજાઇ ગયેલી પ્રાઇમરી ચૂંટણીઓમાં ઇન્‍ડિયન અમેરિકન ઉમેદવારો હતા. જે પૈકી કોઇપણ વિજેતા થઇ શકયા નથી.

મિચીગન ગવર્નર પદના ડેમોક્રેટ ઉમેદવાર શ્રી થાનેદારએ લાખો ડોલરનો ખર્ચ કર્યો હતો. પરંતુ તેઓ ૧૭.૭ ટકા મતો સાથે ત્રીજા ક્રમે આવતા તેમનો પરાજય થયો છે.

ઉપરાંત મિચિગન સ્‍ટેટના કોંગ્રેશ્‍નલ ઉમેદવારો ઇન્‍ડિયન અમેરિકન શ્રી સુનિલ ગુપ્‍તા તથા શ્રી લોકેશ કુમાર પણ પરાજીત થયા છે. તથા સ્‍ટેટ રીપ્રેઝન્‍ટેટીવ ઉમેદવાર સુશ્રી અનુજા રાજેન્‍દ્ર પરાજીત થયા છે જયારે ૪૧મા લેજીસ્‍લેટીવ ડીસ્‍ટ્રીકટના ડેમોક્રેટ ઉમેદવાર શ્રી પદમા કુપ્‍પા બિનહરીફ ચૂંટાઇ આવતા તેઓ નવેં.માસમાં યોજાનારી જનરલ ચૂંટણીમાં રિપબ્‍લીકન ઉમેદવારનો સામનો કરશે. તે જ પ્રમાણે વોશીંગ્‍ટન સ્‍ટેટ સેનેટના ૪૭મા ડીસ્‍ટ્રીકટમાંથી સુશ્રી મોના દાસ તથા ૪૮મા ડીસ્‍ટ્રીકટમાંથી સુશ્રી વંદના સ્‍લેટર બિનહરીફ ચૂંટાઇ આવવાથી તેઓ નવેં.માસમાં જનરલ ચૂંટણી લડશે. 

(9:18 pm IST)
  • યુપી સરકારનો મોટો નિર્ણય :દેવરિયા બાલિકાગૃહ કાંડમાં પોલીસની ભૂમિકાની પણ થશે તપાસ : ગોરખપુરના અપર પોલીસ મહાનિર્દેશક દાવા શેરપાને સોંપી તપાસ : સૂત્રો મુજબ અહીં માન્યતા રદ થયા છતાં બાલિકાગૃહમાં બાળકીઓને રાખવામાં આવતી હતી access_time 12:35 am IST

  • રેલરાજ્યમંત્રી રાજેન ગોહેન વિરુદ્ધ યુવતી પર બળત્કાર અને ધમકાવાના મામલે ગુન્હો નોંધાયો ; આસામ પોલીસે નગાવ જિલ્લામાં 24 વર્ષની મહિલા પર દુષકર્મ અને તેને ધમકાવવા મામલે ફરિયાદ નોંધી છે access_time 1:14 am IST

  • મોરબી રોડ ચેકપોસ્ટ પાસે ડમ્પરે એકટીવાને ઠોકર મારતા દેરાણી-જેઠાણીના મોત: બી-ડીવીઝન પોલીસ મથકના હેડ કોન્સ્ટેબલ ખોડુભા સહિતનો સ્ટાફ ઘટનાસ્થળે દોડી ગયો access_time 4:35 pm IST