Gujarati News

Gujarati News

News of Thursday, 10th June 2021

ઉઇગર મુસ્લિમોના ધીમા નરસંહાર તરફ આગળ વધી રહ્યું છે ચીન : જન્મ દર રોકી સમુદાયનું અસ્તિત્વ ખતમ કરવાનું કાવતરું : આંતર રાષ્ટ્રીય અપરાધિક કાનૂન વિશેષજ્ઞ એડવોકેટ એરિન રોસેનબર્ગનો અભિપ્રાય

બેજિંગ : દેશ માટે ઉઇગર મુસ્લિમોને ખતરા સમાન ગણતું ચીન હવે તેના ધીમા નરસંહાર પ્રતિ આગળ ધપી રહ્યું હોવાનો અભિપ્રાય તાજેતરમાં  આંતર રાષ્ટ્રીય અપરાધિક કાનૂન  વિશેષજ્ઞ એડવોકેટ એરિન રોસેનબર્ગએ વ્યક્ત કર્યો છે.

તેમણે જણાવ્યું છે કે આ પ્રજાનો જન્મદર રોકી તેનું અસ્તિત્વ ખતમ કરવાનું  ચીનનું કાવતરું છે. એક  અહેવાલ મુજબ દુનિયાના ઓછામાં ઓછા પાંચ દેશો  એવું માને છે કે ઉઇગર પ્રજાને ચીન સુરક્ષા માટે ખતરા સમાન  ગણે છે. અને તેનો જન્મદર રોકી તેનું અસ્તિત્વ મિટાવવા માંગે છે.તેવું એન.ટી.દ્વારા જાણવા મળે છે.

(6:21 pm IST)
  • અમેરિકાના ફૂડ એન્ડ ડ્રગ એડમિનિસ્ટ્રેશન (USFDA) એ ભારતની કોવેકસીન રસી લોન્ચ કરવામાં વિલંબ કરતાં કોવેકસીન રસીના અમેરિકામાં ઇમરજન્સી યુઝ ઓથોરાઇઝેશન ની ભારત બાયોટેકની દરખાસ્તને નકારી કાઢી છે. ભારત બાયોટેકના યુએસ પાર્ટનર ઓક્યુજને ગુરુવારે કહ્યું હતું કે કંપની હવે કોવેક્સિનની સંપૂર્ણ મંજૂરી માંગશે. USFDA દ્વારા કંપનીને વધારાની ટ્રાયલ શરૂ કરવા કહેતા, આના પરિણામેં હવે કંપની બાયોલોજીક્સ લાઇસન્સ એપ્લિકેશન (BLA) માટે ફાઇલ કરી શકશે, જેને અમેરિકામાં સંપૂર્ણ મંજૂરી ગણાય છે. access_time 11:58 am IST

  • ઈન્સ્ટીટ્યૂટ ઓફ કિડની ડિસીસ એન્ડ રિસર્ચ સેન્ટર, (IKDRC)અમદાવાદએ નવા ચાર ડાયાલિસિસ કેન્દ્રનો શુભારંભ કર્યો છે. ગાંધીનગર જિલ્લામાં કલોલ, માણસામાં, જામનગરમાં જામજોધપુરમાં અને મોરબીમાં વાંકાનેરમાં ડાયાલિસિસ કેન્દ્ર શરુ કરવામાં આવ્યા છે. આ કેન્દ્ર આરઓ પ્લાન્ટ સુવિધા સાથે 21 અત્યાધુનિક મશીનથી સજ્જ છે. ઉલ્લેખનીય છે કે ગુજરાત ડાયાલિસિસ પ્રોગ્રામ હેઠળ ગુજરાતના ઈએસઆરડી દર્દીઓને નિશુલ્ક ડાયાલિસિસ પ્રદાન કરવામાં આવે છે. ગુજરાત ડાયાલિસિસ પ્રોગ્રામ (જીડીપી) ભારતમાં સૌથી મોટું નેટવર્ક ધરાવે છે. જેમાં 51 કેન્દ્ર ચાલે છે. જે 500 ડાયાલિસિસ મશીનથી સજ્જ છે. અહીં વર્ષમાં 3 લાખથી વધુ ડાયાલિસિસ કરે છે. access_time 9:33 am IST

  • કોવિડ મહામારી અને લોકડાઉનથી અર્થતંત્રને ફટકો પડતા તેલંગાણાના મુખ્યમંત્રીએ રાજ્યની મહેસૂલ વધારવા માટે રાજ્ય સરકાર હસ્તકની રૂ .20,000 કરોડની જમીનો વેચવાની પ્રક્રિયા શરૂ કરી છે. વધુ બે રાજ્ય સરકારો પણ નજીકના ભવિષ્યમાં પોતાની લેન્ડ બેંક વેચવાની યોજના બનાવી રહી હોવાનું જાણવા મળે છે. (ન્યૂઝફર્સ્ટ) access_time 11:16 am IST