Gujarati News

Gujarati News

News of Friday, 10th May 2019

રોજીરોટી રળવા યુ.કે.ગયેલા ભારતીય મૂળના યુવાન મોહમદ નદીમુદીનની ચાકુ મારી હત્યા : છેલ્લા 6 વર્ષથી લંડનમાં સ્થાયી થયેલા હૈદરાબાદના યુવાનની લાશ જ્યાં કામ કરતો હતો તે મોલના પાર્કિંગમાંથી મળી આવી

છેલ્લા 6 વર્ષથી યુ.કે.માં સ્થાયી થયેલા હૈદરાબાદના વતની યુવાન મોહમ્મદ નદીમુદીનની લંડન ખાતેના મોલના પાર્કિંગમાંથી લાશ મળી આવી હોવાનું સમાચાર સૂત્રો દ્વારા જાણવા મળે છે. કોઈ અજ્ઞાત હુમલાખોરે ચાકુ મારી તેની હત્યા કરી છે. નદીમુદીન  લંડનના ટેસ્કો મોલમાં કામ કરતો હતો. નદીમના પરિવારજનોનો આરોપ છે કે, દીકરાની હત્યા કોઇ એશિયન મૂળના વ્યક્તિએ કરી છે. 

મૃતક નદીમના મિત્ર ફહીમ કુરૈશીએ જણાવ્યા મુજબ , નદીમુદીન  વર્ષ અગાઉ કામ અર્થે લંડન ગયો હતો. મોલ પ્રબંધકે  કહ્યું કે, તે કામ બાદ ઘરે પરત આવ્યો નહતો, ત્યારબાદ તેનું શબ પાર્કિંગમાંથી મળી આવ્યું હતું તેથી  તેઓએ યુવકના પરિવારને ફોન કરીને સુચના આપી હતી.

 

પીડિત પરિવારે વિદેશ મંત્રી સુષમા સ્વરાજને  લંડન જવા માટે મદદની અપીલ કરી છે. બીજી તરફ, તેલંગણની મજલિસ બચાવો તહરીક પાર્ટી (એમબીટી)પણ વિઝા સંબંધિક કાર્યોમાં મદદની રજૂઆત કરી હોવાનું જાણવા મળે છે. સુશ્રી સુષમા સ્વરાજે પીડિત પરિવારને મદદનો ભરોસો અપાવ્યો છે.તેવું સમાચાર સૂત્રો દ્વારા જાણવા મળે છે.

(7:47 pm IST)
  • હરભજનસિંહ અને લક્ષ્મણ આવ્યા ગંભીરના સમર્થનમાં :ક્રિકેટના મેદાનથી રાજનીતિની પીચમાં આવેલા ભાજપના ઉમેદવાર ગૌતમ ગંભીર સામે આપના ઉમેદવાર આતીષીએ લગાવેલ ગંભીર આરોપને હરભજનસિંહ અને લક્ષ્મણે પાયાવિહોણા ગણાવ્યા ;કહ્યું ગંભીર એવા પ્રકારનો નથી જે મહિલા વિરુદ્ધ આપત્તીજનક વાતો કરી શકે access_time 1:09 am IST

  • સુરતમાં પણ ખાતરની બોરીઓનું વજન અંગે ચેકીંગ : સુરતમાં તોલમાપ વિભાગ દ્વારા જહાંગીરપુરા સ્થિત મંડળીઓમાં ચેકીંગ હાથ ધરવામાં આવ્યુ છે અને સરદાર બ્રાન્ડની ખાતરની બોરીઓનું વજન બરાબર છે કે નહીં ? તેનુ ચેકીંગ હાથ ધરાયુ છે access_time 2:42 pm IST

  • અમરેલીના ખાંભા રેન્જમાં સિંહણ દ્વારા પ બચ્ચાને જન્મ : અમરેલી જીલ્લાના ખાંભા રેન્જમાં સિંહણે પ બચ્ચાને જન્મ આપ્યો છે. વન વિભાગ દ્વારા સિંહ સંરક્ષણની કામગીરી રંગ લાવી છે જે અંગે લાયન નેચર ફાઉન્ડેશન દ્વારા વન વિભાગને જાણ કરવામાં આવી છે. સિંહોની સંખ્યામાં વધારો થતા જીવદયા પ્રેમીઓમાં વધારો થયો છે. access_time 3:38 pm IST