Gujarati News

Gujarati News

News of Saturday, 9th June 2018

''ઓસ્ટીન અન્ડર ફોર્ટી'' : યુ.એસ.માં ટેકસાસ સ્થિત ઇન્ડિયન અમેરિકન એટર્ની મહિલા સુશ્રી સુજાતા અજમેરાને ''એસ્ટિંટ ઓફ ધ ઇયર'' એવોર્ડ

ટેકસાસ : યુ.એસ.માં ટેકસાસ સ્થિત ઇન્ડિયન અમેરિકન એટર્ની મહિલા શ્રી સુજાતા અજમેરાએ ૨૦ મા વાર્ષિક ''ઓસ્ટીન અન્ડર ફોર્ટી'' એવોર્ડમાં ''એસ્ટિંટ ઓફ ધ ઇયર'' તરીકે સ્થાન મેળ્વયું છે.

ઓસ્ટીનના સૌપ્રથમ ઇન્ડિયન અમેરિકન લો પાર્ટનર તેવા સુશ્રી સુજાતા ટેકસાસ બોર્ડ ઓફ લીગલ  સ્પેશિઅલાઇઝેશનના અધિકૃત લોયર છે. જેઓ ઇમીગ્રેશન તથા નેશનાલિટી લો ક્ષેત્રે પ્રભુત્વ ધરાવે છે. તેમણે ઓસ્ટીન  ખાતેની યુનિવર્સિટી ઓફ ટેકસાસમાંથી બેચલર તથા આ યુનિવર્સિટીની સ્કૂલ ઓફ લો માંથી ડીગ્રી મેળવેલી છે.

(2:43 am IST)
  • આજે ફરી તટીય મહારાષ્ટ્ર, ગોવામાં અતિ ભારે વરસાદની સંભાવના : ગઈકાલે મહારાષ્ટ્રમાં ચોમાસાનો પ્રારંભ થયા બાદ આજે રાજ્યના તટીય ભાગો, મુંબઈ અને ગોવામાં અતિ ભારે વરસાદ થવાની સંભાવના છે. તટીય કર્ણાટક, ગોવા અને દક્ષિણ મહારાષ્ટ્રમાં પહેલેથી જ વરસાદની સ્થિતિ સર્જાઈ છે. મુંબઈ અને આસપાસના વિસ્તારોમાં પ્રશાસન કોઈ પણ ઈમરજન્સીની પરિસ્થિતિને પહોંચી વળવા માટે એલર્ટ પર છે. BMC કર્માચારીઓની વીકેન્ડની રજાઓ પણ રદ કરી દેવામાં આવી છે. access_time 11:16 am IST

  • દિલ્હીના મુખ્યમંત્રી અરવિંદ કેજરીવાલે ઉપ-રાજ્યપાલ સાથે મહત્વપૂર્ણ વિષયો પર ચર્ચા માટે સમય માંગ્યો છે. આનાથી પહેલા કેજરીવાલે ટ્વિટર પર આરોપ લગાવ્યો છે કે, કેન્દ્રિય તપાસ બ્યૂરો (સીબીઆઈ) અને એન્ટી કરપ્શન બ્યૂરો (એસીબી)એ દિલ્હી પાણી પુરવઠા બોર્ડની ફાઈલો ઉઠાવવાનું શરૂ કરી દીધું છે. તેમને ટ્વિટર પર કહ્યું, કોઈ એક વિષય પર તપાસ થઈ રહી નથી, કેમ કે હાલમાં મારી પાસે તે મંત્રાલયની જવાબદારી છે તો તેઓ કોશિશ કરી રહ્યાં છે કે, ગમે તે રીતે મને ફસાવી દેવામાં આવે. અરવિંદ કેજરીવાલે સરકાર પર ગુસ્સો વ્યક્ત કરતાં કહ્યું કે, પીએમ, એલજી અને બીજેપી- જો તમારી પાસે કોઈ વિશેષ જાણકારી છે તો જરૂર તપાસ કરો પરંતુ દિલ્હી સરકારના બધા વિભાગોને પેરાલાઈઝ કરીને દિલ્હીના લોકોને પીડા ના આપો. access_time 2:37 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST