Gujarati News

Gujarati News

News of Saturday, 9th June 2018

કેરળના મુખ્યમંત્રીને મારી નાખવાની ધમકી આપનાર દુબઇના NRI ને નોકરીમાંથી પાણીચું : ફેસબુક મીડિયાના માધ્યમથી શરાબના નશામાં આવું કૃત્ય કર્યાની કબૂલાત સાથે માફી માંગી

દુબઇ : કેરળના મુખ્યમંત્રી પિનરઇ વિજયનને ફેસબુક વીડિયો માધ્યમ દ્વારા જાનથી મારી નાખવાની ધમકી આપનાર દુબઇ સ્થિત ભારતીય મૂળના કર્મચારી કૃષ્ણકુમાર એસ.એન.નાયરને તેની કંપનીના માલિકોએ નોકરીમાંથી પાણીચું પકડાવી દીધુ છે.

દુબઇની એક કન્સ્ટ્રકશન કંપનીમાં સિનીયર સુપરવાઇઝર તરીકે નોકરી કરતા કૃષ્ણકુમારે ૪ મિનીટના વીડિયોમાં પોતે RSS નો પૂર્વ સમર્થક હોવાનું જણાવી, નોકરીમાંથી રાજીનામું દઇ, ત્રણ દિવસમાં કેરળ આવી, ત્યાં બે દિવસ રોકાઇને મુખ્યમંત્રીની હત્યા કરીશ તેવી ધમકી ફેસબુકના માધ્યમ દ્વારા આપતા કંપનીના માલિકોએ તેને નોકરીમાંથી છુટો કરી દેતા તેણે માફી માંગી હતી. તથા શરાબના નશામાં આવુ કર્યાની કબુલાત કરી કેરળના મુખ્યમંત્રી, તથા નેતાઓ, તેમજ પ્રજ્જનોની માફી માંગી હતી. તેવું સમાચાર સૂત્રો દ્વારા જાણવા મળે છે.

(12:43 pm IST)
  • ચીનની વુહાન સમિટની જેમ જ આવતા વર્ષે ચીનનાં રાષ્ટ્રપતિ શી ચિનફિંગ અનૌપચારિક શિખર સમ્મેલન માટે ભારત આવશે. ચીનનાં રાષ્ટ્રપતિએ આ બાબતે વડાપ્રધાન મોદીનાં આમંત્રણનો સ્વિકાર કરી લીધો હતો. વિદેશ સચિવ વિજય ગોખલેએ શનિવારે એક પત્રકાર પરિષદ દરમિયાન આ માહિતી આપી. access_time 2:38 am IST

  • હવામાન વિભાગે આગામી ચાર-પાંચ દિવસ માટે ચેતવણી આપી છે, જે મુજબ દેશના ઘણા વિસ્તારોમાં આંધી-તોફાન અને ભારે વરસાદની આશંકા વ્યક્ત કરવામાં આવી છે. મુંબઈ, કોંકણ, કર્ણાટક, ઉત્તર પ્રદેશ, દિલ્હી, હરિયાણા, હિમાચલ પ્રદેશથી લઈને બંગાળ સુધી આંધી-તોફાન અને ભારે વરસાદની સંભાવના વ્યક્ત કરાઈ છે. આ સાથે દરિયાઈ વિસ્તારોમાં માછીમારોને દરિયો ન ખેડવા સૂચના અપાઈ છે. access_time 2:40 am IST

  • વડાપ્રધાન નરેન્દ્ર મોદીએ શનિવારે ચીનના કિંગદાઓ શહેરમાં રાષ્ટ્રપતિ શી જિનપિંગ સાથે મુલાકાત કરી. બંન્ને નેતાઓએ દ્વિપક્ષીય સહયોગના તમામ મુદ્દાઓ પર ચર્ચા કરી. મીટિંગથી પહેલા બંન્ને નેતાઓ ગર્મજોશીથી મળ્યા. પોતાના સંબોધનમાં પીએમ મોદીએ કહ્યું કે, ભારત અને ચીન વચ્ચે મજબૂત અને સ્થિર સંબંધથી વિશ્વને સ્થિરતા અને શાંતિની પ્રેરણા મળી શકે છે. તેમણે વુહાનમાં શીની સાથેની અનૌપચારિક મુલાકાતને પણ યાદ કરી હતી. શી જિનપિંગ સાથેની મુલાકાત બાદ વડાપ્રધાન નરેન્દ્ર મોદીએ ટ્વીટ કરીને ચીનના રાષ્ટ્રપતિ સાથેની તસ્વીર પણ પોતાના ટ્વીટર પર શેર કરી હતી. access_time 7:17 pm IST