Gujarati News

Gujarati News

News of Tuesday, 4th December 2018

10 નવે.થી ગુમ થયેલા લેસ્ટર સ્થિત ગુજરાતી પરેશ પટેલનો મૃતદેહ કેનાલમાંથી મળી આવ્યો : મોતનું કારણ જાણવા પોલીસતંત્રની મથામણ

લેસ્ટર : યુ.કે.ના લેસ્ટરમાં  સ્થાયી થયેલા ગુજરાતી મૂળના 48 વર્ષીય શ્રી પરેશ પટેલ 10 નવે.થી ગુમ હતા.તેમના પત્ની તથા 2 બાળકોનો પરિવાર ચિંતાતુર હતો.તેમના બંને બાળકોએ ડેડી પાછા આવો  તેવા પોસ્ટર સાથે રેલી પણ કાઢી હતી જેમની સાથે 500 જેટલા લોકો જોડાયા હતા.

   પરેશની પત્ની કલ્પનાએ પરેશ પરત આવે તે માટે એક ભાવુક વીડિયો મેસેજ પણ શૅર કર્યો હતો.પોલીસે કહ્યું કે, મૃતકની ઓળખ 48 વર્ષીય પરેશ પટેલ તરીકે થઇ છે. તેઓ 10 નવેમ્બરના રોજ સાંજે ઘરેથી નિકળ્યા હતા, તે સમયે તેઓને અંતિમ વખત જોવામાં આવ્યા. મૃતદેહનું પોસ્ટમોર્ટમ થઇ ગયું છે અને અન્ય ટેસ્ટ કરવામાં આવી રહ્યા છે.

 પોલીસ આ મોતને સંદિગ્ધ સંજોગોમાં થઇ હોવાનું માની તપાસ શરૂ કરી દીધી

પરેશ અને કલ્પનાના બે દીકરા કિયાન (12) અને હર્ષલ (9) છે. પરેશનું શબ મળ્યા બાદ પરિવારે કહ્યું કે, આખો પટેલ પરિવાર મુશ્કેલીના સમયમાંથી પસાર થઇ રહ્યો છે. પોલીસે આ સમયમાં સાથ આપ્યો તે બદલ તેઓનો ધન્યવાદ.પોલીસ અને અન્ય સંબંધીઓ દરેક સમયે અમારી સાથે રહ્યા. તમારાં પ્રયત્નોથી જ પરેશ અંગે જાણકારી મળી શકી.પરેશને શોધવા માટે પોલીસે સર્ચ ઓપરેશન ચલાવ્યું હતું અને આખા વિસ્તારમાં તેઓના પોસ્ટર લગાવ્યા હતા. તેવું  સમાચાર સૂત્રો દ્વારા જાણવા મળે છે.

(12:55 pm IST)
  • સોહરાબુદ્દીન એન્કાઉન્ટર કેસનો ૨૧મી ડિસેમ્બરે સ્પેશિયલ CBI કોર્ટમાં સંભળાવાશે ચુકાદો access_time 3:50 pm IST

  • વડોદરા :સ્કૂલ કમ્પાઉન્ડમાં સ્કૂલવાનમાં આગ :સ્કૂલવાનમાંથી વિદ્યાર્થીઓને ઉતારી લેવાયા :સદનસીબે કોઈ અનિચ્છનીય ઘટના ન બની :પાદરા ફાયરવિભાગે આગ પર કાબૂ મેળવ્યો :પાદરાની ડી.ડી. પટેલ શારદા હાઈસ્કૂલની ઘટના access_time 3:30 pm IST

  • જાતીય સતામણી કેસમાં ધરપકડ થયેલ મીકાસિંહનો સંયુક્ત આરબ અમીરાતમાં છુટકારો :17 વર્ષીય બ્રાઝીલીયન મોડલને વાંધાજનક ફોટા મોકલવાના કથિત ફરિયાદ બાદ ગાયક મીકાસિંહની ધરપકડ કરાઈ હતી :તેને બોલીવુડની ફિલ્મમાં કામ અપાવી દેવાનો પણ વાયદો કર્યો હતો :અબુધાબીના રાજદૂતના હસ્તક્ષેપ બાદ મીકાસિંહને મુક્તિ મળી ;હવે બાદમાં અદાલતમાં રજૂ થશે :મીકાસિંહની દુબઈમાં ધરપકડ કરાઈ હતી : ફરિયાદકર્તા પાસે અબુધાબીના વિઝા હોવાથી મીકાસિંહને અબુધાબી લઇ જવાયો હતો access_time 12:43 am IST